Nova Vulgata99,1Et ascendens in naviculam transfretavit et venit in civitatem suam.
Nova VulgataEt ecce offerebant ei paralyticum iacentem in lecto. Et videns Iesus fidem illorum, dixit paralytico: “ Confide, fili; remittuntur peccata tua ”.
2remittuntur tibi
Nova Vulgata9,3Et ecce quidam de scribis dixerunt intra se: “ Hic blasphemat ”.
Nova Vulgata9,4Et cum vidisset Iesus cogitationes eorum, dixit: “ Ut quid cogitatis mala in cordibus vestris?
Nova VulgataQuid enim est facilius, dicere: "Dimittuntur peccata tua", aut dicere: "Surge et ambula"?
5Quid est facilius
Nova Vulgata9,6Ut sciatis autem quoniam Filius hominis habet potestatem in terra dimittendi peccata — tunc ait paralytico —: Surge, tolle lectum tuum et vade in domum tuam ”.
Nova Vulgata9,7Et surrexit et abiit in domum suam.
Nova Vulgata9,8Videntes autem turbae timuerunt et glorificaverunt Deum, qui dedit potestatem talem hominibus.
Nova Vulgata 9,9Et cum transiret inde Iesus, vidit hominem sedentem in teloneo, Matthaeum nomine, et ait illi: “Sequere me”. Et surgens secutus est eum.
Nova Vulgata 9,10Et factum est, discumbente eo in domo, ecce multi publicani et peccatores venientes simul discumbebant cum Iesu et discipulis eius.
Nova Vulgata9,11Et videntes pharisaei dicebant discipulis eius: “ Quare cum publicanis et peccatoribus manducat magister vester? ”.
Nova VulgataAt ille audiens ait: “ Non est opus valentibus medico sed male habentibus.
12At Iesus audiens
Nova Vulgata9,13Euntes autem discite quid est: "Misericordiam volo et non sacrificium". Non enim veni vocare iustos sed peccatores ”.
Nova Vulgata Tunc accedunt ad eum discipuli Ioannis dicentes: “ Quare nos et pharisaei ieiunamus frequenter, discipuli autem tui non ieiunant? ”.
14Tune accesserunt
Nova VulgataEt ait illis Iesus: “ Numquid possunt convivae nuptiarum lugere, quamdiu cum illis est sponsus? Venient autem dies, cum auferetur ab eis sponsus, et tunc ieiunabunt.
15possunt filii sponsi
Nova VulgataNemo autem immittit commissuram panni rudis in vestimentum vetus; tollit enim supplementum eius a vestimento, et peior scissura fit.
16tollit enim plenitudinem eius
Nova Vulgata9,17Neque mittunt vinum novum in utres veteres, alioquin rumpuntur utres, et vinum effunditur, et utres pereunt; sed vinum novum in utres novos mittunt, et ambo conservantur ”.
Nova Vulgata 9,18Haec illo loquente ad eos, ecce princeps unus accessit et adorabat eum dicens: “ Filia mea modo defuncta est; sed veni, impone manum tuam super eam, et vivet ”.
Nova Vulgata9,19Et surgens Iesus sequebatur eum et discipuli eius.
Nova Vulgata 9,20Et ecce mulier, quae sanguinis fluxum patiebatur duodecim annis, accessit retro et tetigit fimbriam vestimenti eius.
Nova Vulgata9,21 Dicebat enim intra se: “ Si tetigero tantum vestimentum eius, salva ero ”.
Nova Vulgata9,22At Iesus conversus et videns eam dixit: “ Confide, filia; fides tua te salvam fecit ”. Et salva facta est mulier ex illa hora.
Nova Vulgata 9,23Et cum venisset Iesus in domum principis et vidisset tibicines et turbam tumultuantem,
Nova Vulgata9,24dicebat: “ Recedite; non est enim mortua puella, sed dormit ”. Et deridebant eum.
Nova Vulgata9,25At cum eiecta esset turba, intravit et tenuit manum eius, et surrexit puella.
Nova Vulgata9,26Et exiit fama haec in universam terram illam.
Nova Vulgata 9,27Et transeunte inde Iesu, secuti sunt eum duo caeci clamantes et dicentes: “ Miserere nostri, fili David! ”.
Nova VulgataCum autem venisset domum, accesserunt ad eum caeci, et dicit eis Iesus: “ Creditis quia possum hoc facere? ”. Dicunt ei: “Utique, Domine”.
28quia possum hoc facere vobis
Nova Vulgata9,29Tunc tetigit oculos eorum dicens: “Secundum fidem vestram fiat vobis”.
Nova Vulgata9,30Et aperti sunt oculi illorum. Et comminatus est illis Iesus dicens: “ Videte, ne quis sciat ”.
Nova Vulgata9,31Illi autem exeuntes diffamaverunt eum in universa terra illa.
Nova Vulgata 9,32Egressis autem illis, ecce obtulerunt ei hominem mutum, daemonium habentem.
Nova Vulgata9,33Et eiecto daemone, locutus est mutus. Et miratae sunt turbae dicentes: “ Numquam apparuit sic in Israel! ”.
Nova Vulgata9,34Pharisaei autem dicebant: “ In principe daemoniorum eicit daemones ”.
Nova Vulgata 9,35Et circumibat Iesus civitates omnes et castella, docens in synagogis eorum et praedicans evangelium regni et curans omnem languorem et omnem infirmitatem.
Nova Vulgata9,36Videns autem turbas, misertus est eis, quia erant vexati et iacentes sicut oves non habentes pastorem.
Nova Vulgata9,37Tunc dicit discipulis suis: “ Messis quidem multa, operarii autem pauci;
Nova Vulgatarogate ergo Dominum messis, ut mittat operarios in messem suam ”.