Nova Vulgata3 3,1Domine omnipotens, Deus Israel, anima in angustiis et spiri tus anxius clamat ad te.
Nova Vulgata3,2Audi, Domine, et miserere, quia peccavimus in conspectu tuo;
Nova Vulgata3,3quia tu sedens es in aeternum, et nos pereuntes in aeternum.
Nova Vulgata3,4Domine omnipotens, Deus Israel, audi nunc orationem defunctorum Israel et filiorum eorum, qui peccaverunt in conspectu tuo, qui non audierunt vocem Domini Dei sui, et adhaeserunt nobis mala.
Nova Vulgata3,5Noli memor esse iniquitatum patrum nostrorum, sed memor esto manus tuae et nominis tui in hoc tempore,
Nova Vulgata3,6quia tu es Dominus Deus noster, et laudabimus te, Domine,
Nova Vulgata3,7quia propter hoc dedisti timorem tuum in cor nostrum, ut invocaremus nomen tuum; et laudabimus te in captivitate nostra, quia avertimus a corde nostro omnem iniquitatem patrum nostrorum, qui peccaverunt in conspectu tuo.
Nova Vulgata3,8Ecce nos hodie in captivitate nostra, quo nos dispersisti in opprobrium et in maledictum et in expiationem, secundum omnes iniquitates patrum nostrorum, qui discesserunt a Domino Deo nostro».
Nova Vulgata 3,9Audi, Israel, mandata vitae; auribus percipite, ut sciatis prudentiam.
Nova Vulgata 3,10Quid est, Israel? Quid est quod in terra es inimicorum?
Nova Vulgata 3,11Inveterasti in terra aliena, coinquinatus es mortuis, reputatus es cum eis, qui apud inferos sunt.
Nova Vulgata 3,12Dereliquisti fontem sapientiae!
Nova Vulgata 3,13Si in via Dei ambulasses, habitasses in pace in aeternum.
Nova Vulgata 3,14Disce, ubi sit prudentia, ubi fortitudo, ubi sit intellectus, ut scias simul, ubi sit longiturnitas dierum et vita, ubi sit lumen oculorum et pax.
Nova Vulgata 3,15Quis invenit locum eius? Et quis intravit in thesauros eius?
Nova Vulgata 3,16Ubi sunt principes gentium et qui dominantur bestiis, quae sunt super terram,
Nova Vulgata 3,17qui in avibus caeli ludunt,
Nova Vulgata 3,18qui argentum thesaurizant et aurum, in quo confidunt homines, neque est finis acquisitionis eorum; qui argentum fabricant et solliciti sunt, nec est inquisitio operum illorum?
Nova Vulgata 3,19Exterminati sunt et ad inferos descenderunt, et alii loco eorum surrexerunt.
Nova Vulgata 3,20Iuvenes viderunt lumen et habitaverunt super terram; viam autem disciplinae non cognoverunt
Nova Vulgata 3,21nec intellexerunt semitas eius; neque susceperunt eam filii eorum, a via eorum longe facti sunt.
Nova Vulgata 3,22Neque audita est in Chanaan neque visa est in Theman.
Nova Vulgata 3,23Filii quoque Agar, qui exquirunt sapientiam super terram, negotiatores Merran et Theman et fabulatores et inquisitores prudentiae: viam autem sapientiae non cognoverunt neque commemorati sunt semitas eius.
Nova Vulgata 3,24O Israel, quam magna est domus Dei, et ingens locus possessionis eius!
Nova Vulgata 3,25Magnus est et non habet finem, excelsus est et immensus.
Nova Vulgata 3,26Ibi fuerunt gigantes nominati illi, qui ab initio fuerunt, statura magna, scientes bellum.
Nova Vulgata 3,27Non illos elegit Deus neque viam disciplinae dedit illis;
Nova Vulgata 3,28et perierunt, quia non habuerunt prudentiam, perierunt propter insipientiam suam.
Nova Vulgata 3,29Quis ascendit in caelum et accepit eam et deduxit eam de nubibus?
Nova Vulgata 3,30Quis transfretavit mare et invenit eam et apportabit eam auro electo?
Nova Vulgata 3,31Non est qui noverit viam eius, neque qui cogitet semitam eius.
Nova Vulgata 3,32Sed qui scit omnia, novit eam, adinvenit eam prudentia sua; qui composuit terram in aeternum tempus, implevit eam iumentis quadrupedibus;
Nova Vulgata 3,33qui mittit lumen et vadit, vocavit illud, et oboedivit ei in tremore.
Nova Vulgata 3,34Stellae autem splenduerunt in custodiis suis et laetatae sunt.
Nova Vulgata 3,35Vocavit eas, et dixerunt: «Adsumus»; luxerunt cum laetitia ei, qui fecit eas.
Nova Vulgata 3,36Hic est Deus noster, non aestimabitur alter adversus eum.
Nova Vulgata 3,37Invenit omnem viam disciplinae et dedit eam Iacob puero suo et Israel dilecto suo.
Nova Vulgata 3,38Post haec super terram visa est et inter homines conversata est.