Nova Vulgata44,1Quam pulchra es, amica mea, quam pulchra es: oculi tui columbarum per velamen tuum. Capilli tui sicut grex caprarum, quae descenderunt de monte Galaad;
Nova Vulgata 4,2dentes tui sicut grex tonsarum, quae ascenderunt de lavacro: omnes gemellis fetibus, et sterilis non est inter eas.
Nova Vulgata 4,3Sicut vitta coccinea labia tua, et eloquium tuum dulce; sicut fragmen mali punici, ita genae tuae per velamen tuum.
Nova Vulgata 4,4Sicut turris David collum tuum, quae aedificata est cum propugnaculis: mille clipei pendent ex ea, omnis armatura fortium.
Nova Vulgata 4,5Duo ubera tua sicut duo hinnuli, capreae gemelli, qui pascuntur in liliis.
Nova Vulgata 4,6Antequam aspiret dies, et festinent umbrae, vadam ad montem myrrhae et ad collem turis.
Nova Vulgata 4,7Tota pulchra es, amica mea, et macula non est in te.
Nova Vulgata Veni de Libano, sponsa, veni de Libano, ingredere; respice de capite Amana, de vertice Sanir et Hermon, de cubilibus leonum, de montibus pardorum.
8 – Lege cum Gr et Syr ’ĕtî, ex verbo ’ātāh; TM «meum»
Nova Vulgata 4,9Vulnerasti cor meum, soror mea sponsa, vulnerasti cor meum in uno oculorum tuorum et in uno monili torquis tui.
Nova Vulgata 4,10Quam pulchri sunt amores tui, soror mea sponsa; meliores sunt amores tui vino, et odor unguentorum tuorum super omnia aromata.
Nova Vulgata 4,11Favus distillans labia tua, sponsa; mel et lac sub lingua tua, et odor vestimentorum tuorum sicut odor Libani.
Nova Vulgata Hortus conclusus, soror mea sponsa, hortus conclusus, fons signatus;
12Hortus2 – Lege cum multis mss, Gr et Syr gan; TM «fluctus»
Nova Vulgata 4,13propagines tuae paradisus malorum punicorum cum optimis fructibus, cypri cum nardo.
Nova Vulgata 4,14Nardus et crocus, fistula et cinnamomum cum universis lignis turiferis, myrrha et aloe cum omnibus primis unguentis.
Nova Vulgata 4,15Fons hortorum, puteus aquarum viventium, quae fluunt impetu de Libano.
Nova Vulgata 4,16Surge, aquilo, et veni, auster; perfla hortum meum, et fluant aromata illius.
