Nova Vulgata77,1Convertere, convertere, Sulamitis; convertere, convertere, ut intueamur te. Quid aspicitis in Sulamitem, cum saltat inter binos choros?
Nova Vulgata 7,2Quam pulchri sunt pedes tui in calceamentis, filia principis! Flexurae femorum tuorum sicut monilia, quae fabricata sunt manu artificis.
Nova Vulgata 7,3Gremium tuum crater tornatilis: numquam indigeat vino mixto; venter tuus sicut acervus tritici vallatus liliis.
Nova Vulgata 7,4Duo ubera tua sicut duo hinnuli, gemelli capreae,
Nova Vulgata 7,5collum tuum sicut turris eburnea. Oculi tui sicut piscinae in Hesebon, quae sunt ad portam Bathrabbim; nasus tuus sicut turris Libani, quae respicit contra Damascum.
Nova Vulgata 7,6Caput tuum ut Carmelus, et comae capitis tui sicut purpura; rex vincitur cincinnis.
Nova Vulgata 7,7Quam pulchra es et quam decora, carissima, in deliciis!
Nova Vulgata 7,8Statura tua assimilata est palmae, et ubera tua botris.
Nova Vulgata 7,9Dixi: «Ascendam in palmam et apprehendam fructus eius». Et erunt ubera tua sicut botri vineae, et odor oris tui sicut malorum.
Nova Vulgata 7,10Guttur tuum sicut vinum optimum, dignum dilecto meo ad potandum, labiisque et dentibus illius ad ruminandum.
Nova Vulgata 7,11Ego dilecto meo, et ad me appetitus eius.
Nova Vulgata Veni, dilecte mi, egrediamur in agrum, commoremur in villis;
12Principis populi – Lege nādîb ’ammî; TM ‛ammî nādîb
Nova Vulgata7,13mane properabimus ad vineas, videbimus; si floruit vinea, si flores aperiuntur, si floruerunt mala punica; ibi dabo tibi amores meos.
Nova Vulgata 7,14Mandragorae dederunt odorem; in portis nostris omnia poma optima, nova et vetera, dilecte mi, servavi tibi.