Nova Vulgata1515,1Tunc cecinit Moyses et filii Israel carmen hoc Domino, et dixerunt: «Cantemus Domino, gloriose enim magnificatus est: equum et ascensorem eius deiecit in mare!
Nova Vulgata Fortitudo mea et robur meum Dominus, et factus est mihi in salutem. Iste Deus meus, et glorificabo eum; Deus patris mei, et exaltabo eum!
2Et robur meum - Lege wesimrātī; TM «et robur»
Nova Vulgata 15,3Dominus quasi vir pugnator; Dominus nomen eius!
Nova Vulgata 15,4Currus pharaonis et exercitum eius proiecit in mare; electi bellatores eius submersi sunt in mari Rubro.
Nova Vulgata 15,5Abyssi operuerunt eos, descenderunt in profundum quasi lapis.
Nova Vulgata 15,6Dextera tua, Domine, magnifice in fortitudine, dextera tua, Domine, percussit inimicum.
Nova Vulgata 15,7Et in multitudine gloriae tuae deposuisti adversarios tuos; misisti iram tuam, quae devoravit eos sicut stipulam.
Nova Vulgata 15,8Et in spiritu furoris tui congregatae sunt aquae; stetit ut agger unda fluens, coagulatae sunt abyssi in medio mari.
Nova Vulgata 15,9Dixit inimicus: “Persequar, comprehendam, dividam spolia, implebitur anima mea; evaginabo gladium meum, interficiet eos manus mea!”.
Nova Vulgata 15,10Flavit spiritus tuus, et operuit eos mare; submersi sunt quasi plumbum in aquis vehementibus.
Nova Vulgata 15,11Quis similis tui in diis, Domine? Quis similis tui, magnificus in sanctitate, terribilis atque laudabilis, faciens mirabilia?
Nova Vulgata 15,12Extendisti manum tuam, devoravit eos terra.
Nova Vulgata 15,13Dux fuisti in misericordia tua populo, quem redemisti, et portasti eum in fortitudine tua ad habitaculum sanctum tuum.
Nova Vulgata 15,14Attenderunt populi et commoti sunt, dolores obtinuerunt habitatores Philisthaeae.
Nova Vulgata 15,15Tunc conturbati sunt principes Edom, potentes Moab obtinuit tremor, obriguerunt omnes habitatores Chanaan.
Nova Vulgata 15,16Irruit super eos formido et pavor; in magnitudine brachii tui fiunt immobiles quasi lapis, donec pertranseat populus tuus, Domine, donec pertranseat populus tuus iste, quem possedisti.
Nova Vulgata 15,17Introduces eos et plantabis in monte hereditatis tuae, firmissimo habitaculo tuo, quod operatus es, Domine, sanctuario, Domine, quod firmaverunt manus tuae.
Nova Vulgata 15,18Dominus regnabit in aeternum et ultra!».
Nova Vulgata 15,19Ingressi sunt enim equi pharaonis cum curribus et equitibus eius in mare, et reduxit super eos Dominus aquas maris; filii autem Israel ambu laverunt per siccum in medio eius.
Nova Vulgata 15,20Sumpsit ergo Maria prophetissa soror Aaron tympanum in manu sua; egressaeque sunt omnes mulieres post eam cum tympanis et choris,
Nova Vulgata15,21quibus praecinebat dicens: «Cantemus Domino, gloriose enim magnificatus est: equum et ascensorem eius deiecit in mare!».
Nova Vulgata 15,22Tulit autem Moyses Israel de mari Rubro, et egressi sunt in desertum Sur; ambulaveruntque tribus diebus per solitudinem et non inveniebant aquam.
Nova Vulgata15,23Et venerunt in Mara nec poterant bibere aquas de Mara, eo quod essent amarae; unde vocatum est nomen eius Mara (id est Amaritudo).
Nova Vulgata15,24Et murmuravit populus contra Moysen dicens: «Quid bibemus?».
Nova Vulgata15,25At ille clamavit ad Dominum, qui ostendit ei lignum; quod cum misisset in aquas, in dulcedinem versae sunt. Ibi constituit ei praecepta atque iudicia et ibi tentavit eum
Nova Vulgata15,26dicens: «Si audieris vocem Domini Dei tui et, quod rectum est coram eo, feceris et oboedieris mandatis eius custodierisque omnia praecepta illius, cunctum languorem, quem posui in Aegypto, non inducam super te: Ego enim Dominus sanator tuus».
Nova Vulgata 15,27Venerunt autem in Elim, ubi erant duodecim fontes aquarum et septuaginta palmae; et castrametati sunt iuxta aquas.