Nova Vulgata22,1Egressus est vir de domo Levi et accepit uxorem stirpis suae;
Nova Vulgata2,2quae concepit et peperit filium et videns eum elegantem abscondit tribus mensibus.
Nova Vulgata2,3Cumque iam celare non posset, sumpsit fiscellam scirpeam et linivit eam bitumine ac pice; posuitque intus infantulum et exposuit eum in carecto ripae fluminis,
Nova Vulgata2,4stante procul sorore eius et considerante eventum rei.
Nova Vulgata 2,5Ecce autem descendebat filia pharaonis, ut lavaretur in flumine, et puellae eius gradiebantur per crepidinem alvei. Quae cum vidisset fiscellam in papyrione, misit unam e famulabus suis; et allatam
Nova Vulgata2,6aperiens cernensque in ea parvulum vagientem, miserta eius ait: «De infantibus Hebraeorum est hic».
Nova Vulgata2,7Cui soror pueri: «Vis, inquit, ut vadam et vocem tibi mulierem Hebraeam, quae nutrire possit tibi infantulum?».
Nova Vulgata2,8Respondit: «Vade». Perrexit puella et vocavit matrem infantis.
Nova Vulgata2,9Ad quam locuta filia pharaonis: «Accipe, ait, puerum istum et nutri mihi; ego dabo tibi mercedem tuam». Suscepit mulier et nutrivit puerum adultumque tradidit filiae pharaonis.
Nova Vulgata2,10Quem illa adoptavit in locum filii vocavitque nomen eius Moysen dicens: «Quia de aqua tuli eum».
Nova Vulgata 2,11In diebus illis, postquam creverat, Moyses egressus est ad fratres suos; viditque afflictionem eorum et virum Aegyptium percutientem quendam de Hebraeis fratribus suis.
Nova Vulgata2,12Cumque circumspexisset huc atque illuc et nullum adesse vidisset, percussum Aegyptium abscondit sabulo.
Nova Vulgata2,13Et egressus die altero conspexit duos Hebraeos rixantes dixitque ei, qui faciebat iniuriam: «Quare percutis proximum tuum?».
Nova Vulgata2,14Qui respondit: «Quis te constituit principem et iudicem super nos? Num occidere me tu vis, sicut occidisti Aegyptium?». Timuit Moyses et ait: «Quomodo palam factum est verbum istud?».
Nova Vulgata Audivitque pharao sermonem hunc et quaerebat occidere Moysen. Qui fugiens de conspectu eius moratus est in terra Madian; venit ergo in terram Madian et sedit iuxta puteum.
15Venit ergo in terram Madian - Lege cum Gr et Syr wajjēlek ’el-’ereṣ midjān; TM «et habitavit ergo in terra»
Nova Vulgata2,16Erant autem sacerdoti Madian septem filiae, quae venerunt ad hauriendam aquam; et impletis canalibus adaquare cupiebant greges patris sui.
Nova Vulgata2,17Supervenere pastores et eiecerunt eas: surrexitque Moyses et, defensis puellis, adaquavit oves earum.
Nova Vulgata2,18Quae cum revertissent ad Raguel patrem suum, dixit ad eas: «Cur velocius venistis solito?».
Nova Vulgata2,19Responderunt: «Vir Aegyptius liberavit nos de manu pastorum; insuper et hausit aquam nobis potumque dedit ovibus».
Nova Vulgata2,20At ille: «Ubi est?», inquit. «Quare dimisistis hominem? Vocate eum, ut comedat panem».
Nova Vulgata2,21Consensit ergo Moyses habitare cum eo accepitque Sephoram filiam eius uxorem.
Nova Vulgata2,22Quae peperit ei filium, quem vocavit Gersam dicens: «Advena sum in terra aliena».
Nova Vulgata 2,23Post multum vero temporis mortuus est rex Aegypti; et ingemiscentes filii Israel propter opera vociferati sunt, ascenditque clamor eorum ad Deum ab operibus.
Nova Vulgata2,24Et audivit gemitum eorum ac recordatus est foederis, quod pepigit cum Abraham, Isaac et Iacob;
Nova Vulgataet respexit Dominus filios Israel et apparuit eis.
25Et apparuit eis - Lege cum Gr wajjiwwāda‛ ’ălêhem; TM «et novit Deus»
