Nova Vulgata3333,1Locutusque est Dominus ad Moysen: «Vade, ascende de loco isto, tu et populus tuus, quem eduxisti de terra Aegypti, in terram, quam iuravi Abraham, Isaac et Iacob dicens: Semini tuo dabo eam.
Nova Vulgata33,2Et mittam praecursorem tui angelum et eiciam Chananaeum et Amorraeum et Hetthaeum et Pherezaeum et Hevaeum et Iebusaeum,
Nova Vulgata33,3et intres in terram fluentem lacte et melle. Non enim ascendam tecum, quia populus durae cervicis es, ne forte disperdam te in via».
Nova Vulgata33,4Audiens populus sermonem hunc pessimum luxit, et nullus ex more indutus est cultu suo.
Nova Vulgata 33,5Dixitque Dominus ad Moysen: «Loquere filiis Israel: Populus durae cervicis es; uno momento, si ascendam in medio tui, delebo te. Nunc autem depone ornatum tuum, ut sciam quid faciam tibi».
Nova Vulgata33,6Deposuerunt ergo filii Israel ornatum suum a monte Horeb.
Nova Vulgata 33,7Moyses autem tollens tabernaculum tetendit ei extra castra procul; vocavitque nomen eius Tabernaculum conventus. Et omnis, qui quaerebat Dominum, egrediebatur ad tabernaculum conventus extra castra.
Nova Vulgata33,8Cumque egrederetur Moyses ad tabernaculum, surgebat universa plebs, et stabat unusquisque in ostio papilionis sui; aspiciebantque tergum Moysi, donec ingrederetur tabernaculum.
Nova Vulgata33,9Ingresso autem illo tabernaculum, descendebat columna nubis et stabat ad ostium; loquebaturque cum Moyse,
Nova Vulgata33,10cernentibus universis quod columna nubis staret ad ostium tabernaculi. Stabantque ipsi et adorabant per fores tabernaculorum suorum.
Nova Vulgata33,11Loquebatur autem Dominus ad Moysen facie ad faciem, sicut solet loqui homo ad amicum suum. Cumque ille reverteretur in castra, minister eius Iosue filius Nun puer non recedebat de medio tabernaculi.
Nova Vulgata 33,12Dixit autem Moyses ad Dominum: «Praecipis, ut educam populum istum, et non indicas mihi, quem missurus es mecum; cum dixeris: “Novi te ex nomine, et invenisti gratiam coram me”.
Nova Vulgata33,13Si ergo inveni gratiam in conspectu tuo, ostende mihi viam tuam, ut sciam te et inveniam gratiam ante oculos tuos; respice quia populus tuus est natio haec».
Nova Vulgata33,14Dixitque Dominus: «Facies mea ibit, et requiem dabo tibi».
Nova Vulgata33,15Et ait Moyses: «Si non tu ipse eas, ne educas nos de loco isto;
Nova Vulgatain quo enim scietur me et populum tuum invenisse gratiam in conspectu tuo, nisi ambulaveris nobiscum, ut glorificemur ego et populus tuus prae omnibus populis, qui habitant super terram?».
16Populis - Lege cum Gr, Syr et Vg ‛ammim; TM «prae omni populo»
Nova Vulgata 33,17Dixitque Dominus ad Moysen: «Et verbum istud, quod locutus es, faciam; invenisti enim gratiam coram me, et teipsum novi ex nomine».
Nova Vulgata33,18Qui ait: «Ostende mihi gloriam tuam».
Nova Vulgata33,19Respondit: «Ego ostendam omne bonum tibi et vocabo in nomine Domini coram te; et miserebor, cui voluero, et clemens ero, in quem mihi placuerit».
Nova Vulgata33,20Rursumque ait: «Non poteris videre faciem meam; non enim videbit me homo et vivet».
Nova Vulgata33,21Et iterum: «Ecce, inquit, est locus apud me, stabis super petram;
Nova Vulgata33,22cumque transibit gloria mea, ponam te in foramine petrae et protegam dextera mea, donec transeam;
Nova Vulgata33,23tollamque manum meam, et videbis posteriora mea; faciem autem meam videre non poteris».
