Nova Vulgata15Qui timet Deum, faciet haec, et, qui continens est legis, apprehendet illam;
La: 5bc. 7b. 8bc. 15a
Nova Vulgata 15,2et obviabit illi quasi mater honorificata et quasi mulier a virginitate suscipiet illum.
Nova Vulgata 15,3Cibabit illum pane vitae et intellectus et aqua sapientiae salutaris potabit illum, et firmabitur in illa et non flectetur
Nova Vulgata 15,4et confidet in illam et non confundetur; et exaltabit illum prae proximis suis
Nova Vulgata 15,5et in medio ecclesiae aperiet os eius et adimplebit illum spiritu sapientiae et intellectus et stola gloriae vestiet illum;
Nova Vulgata 15,6iucunditatem et exsultationem thesaurizabit super illum et nomine aeterno hereditabit illum.
Nova Vulgata 15,7Homines stulti non apprehendent illam, et homines sensati obviabunt illi; homines peccatores non videbunt eam, longe enim abest a superbia et dolo.
Nova Vulgata 15,8Viri mendaces non erunt illius memores; et viri veraces invenientur in illa et successum habebunt usque ad inspectionem Dei.
Nova Vulgata 15,9Non est speciosa laus in ore peccatoris,
Nova Vulgata 15,10quoniam non a Deo tributa est ei; sapientiae enim Dei astabit laus, et in ore sapientis dicetur laus, et dominator illius docebit eam.
Nova Vulgata 15,11Ne dixeris: «A Deo peccatum meum»; quae enim odit, ipse non facit.
Nova Vulgata 15,12Non dicas: «Ille in me impegit»; non enim necessarii sunt ei homines impii.
Nova Vulgata 15,13Omne exsecramentum erroris odit Dominus, et non erit amabile timentibus eum.
Nova Vulgata 15,14Deus ab initio constituit hominem et reliquit illum in manu consilii sui et dedit eum in manum concupiscentiae suae.
Nova Vulgata 15,15Adiecit mandata et praecepta sua et intellegentiam ad faciendum placitum eius.
Nova Vulgata 15,16Si volueris mandata servare, conservabunt te; si confidis in illo, etiam tu vives.
Nova Vulgata 15,17Apposuit tibi aquam et ignem; ad quod volueris, porrige manum tuam.
Nova Vulgata 15,18Ante hominem vita et mors, bonum et malum: quod placuerit ei, dabitur illi.
Nova Vulgata 15,19Quoniam multa sapientia Dei, et fortis in potentia videns omnes sine intermissione.
Nova Vulgata 15,20Oculi Domini ad timentes eum, et ipse agnoscit omnem operam hominis.
Nova Vulgata 15,21Nemini mandavit impie agere et nemini dedit spatium peccandi.
Nova Vulgata 15,22Non concupiscas multitudinem filiorum infidelium et iniquorum.
