Nova Vulgata23Domine, pater et dominator vitae meae, ne derelinquas me in consilio eorum nec sinas me cadere in illis.
La: 7c. 9b. 10bc. 27ab. 30b. 31 Gr II: 38
Nova Vulgata 23,2Quis superponet in cogitatu meo flagella et in corde meo doctrinam sapientiae, ut ignorationibus meis non parcant mihi, et non appareant delicta mea,
Nova Vulgata 23,3et ne adincrescant ignorantiae meae, et multiplicentur delicta mea, et peccata mea abundent, et incidam in conspectu adversariorum meorum, et gaudeat super me inimicus meus?
Nova Vulgata 23,4Domine, pater et Deus vitae meae, ne derelinquas me in cogitatu illorum.
Nova Vulgata 23,5Extollentiam oculorum meorum ne dederis mihi et omne desiderium averte a me.
Nova Vulgata 23,6Aufer a me ventris concupiscentias, et concubitus concupiscentiae ne apprehendant me, et animae irreverenti et infrunitae ne tradas me.
Nova Vulgata 23,7De doctrina oris. Doctrinam oris audite, filii; et, qui custodierit illam, non capietur labiis nec scandalizabitur in operibus nequissimis.
Nova Vulgata 23,8In labiis suis apprehendetur peccator, et maledicus et superbus scandalizabitur in illis.
Nova Vulgata 23,9Iurationi non assuescas os tuum: multi enim casus in illa.
Nova Vulgata 23,10Nominatio vero Dei non sit assidua in ore tuo, et nominibus sanctorum non admiscearis, quoniam non eris immunis ab eis.
Nova Vulgata 23,11Sicut enim servus exquisitus assidue livore carere non poterit, sic omnis iurans et nominans in toto a peccato non purgabitur.
Nova Vulgata 23,12Vir multum iurans implebitur iniquitate, et non discedet a domo illius plaga.
Nova Vulgata 23,13Et, si frustraverit, delictum illius super ipsum erit; et, si dissimulaverit, delinquet dupliciter.
Nova Vulgata 23,14Et, si in vacuum iuraverit, non iustificabitur: replebitur enim malis domus illius.
Nova Vulgata 23,15Est et alia loquela morti comparanda: non inveniatur in hereditate Iacob.
Nova Vulgata 23,16Etenim a timoratis omnia haec sunt remota, et in delictis non volutabuntur.
Nova Vulgata 23,17Indisciplinatae turpitudini non assuescat os tuum: est enim in illa verbum peccati.
Nova Vulgata 23,18Memento patris et matris tuae, in medio enim magnatorum consistis;
Nova Vulgata 23,19ne forte obliviscaris tui in conspectu illorum et assiduitate tua infatuatus improperium patiaris, et maluisses non nasci et diem nativitatis tuae maledicas.
Nova Vulgata 23,20Homo assuetus in verbis improperii in omnibus diebus suis non erudietur.
Nova Vulgata 23,21Duo genera abundant in peccatis, et tertium adducit iram et perditionem:
Nova Vulgata 23,22anima calida quasi ignis ardens non exstinguetur, donec consumatur;
Nova Vulgata 23,23et homo fornicarius in corpore carnis suae non desinet, donec incendat ignem.
Nova Vulgata 23,24Homini fornicario omnis panis dulcis: non cessabit nisi in morte.
Nova Vulgata 23,25Omnis homo, qui transgreditur super lectum suum contemnens in anima sua et dicens: «Quis me videt?
Nova Vulgata 23,26Tenebrae circumdant me, et parietes cooperiunt me, et nemo circumspicit me; quem vereor? Delictorum meorum non memorabitur Altissimus»;
Nova Vulgata 23,27et non intellegit quoniam omnia videt oculus illius, quoniam expellit a se timorem Dei huiusmodi hominis timor. Et oculi hominum sunt timor illius,
Nova Vulgata 23,28et non cognovit quoniam oculi Domini multo plus lucidiores sunt super solem circumspicientes omnes vias hominum et profundum abyssi et hominum corda intuentes in absconditas partes.
Nova Vulgata 23,29Domino enim Deo, antequam crearentur, omnia sunt agnita; sic et, postquam perfecta sunt, respicit omnia.
Nova Vulgata 23,30Hic in plateis civitatis vindicabitur et quasi pullus equinus fugabitur et, ubi non speravit, apprehendetur;
Nova Vulgata 23,31et erit dedecus omnibus, eo quod non intellexerit timorem Domini.
Nova Vulgata 23,32Sic et mulier omnis relinquens virum suum et statuens hereditatem ex alieno matrimonio.
Nova Vulgata 23,33Primo enim in lege Altissimi incredibilis fuit, secundo in virum suum deliquit, tertio in adulterio fornicata est et ex alio viro filios statuit sibi.
Nova Vulgata 23,34Haec in ecclesiam adducetur et in filios eius respicietur;
Nova Vulgata 23,35non tradent filii eius radices, et rami eius non dabunt fructum:
Nova Vulgata 23,36derelinquet in maledictum memoriam suam, et dedecus illius non delebitur.
Nova Vulgata 23,37Et agnoscent, qui derelicti sunt, quoniam nihil melius est quam timor Dei, et nihil dulcius quam attendere mandatis Domini.
Nova Vulgata 23,38Gloria magna est sequi Dominum; longitudo enim dierum assumetur ab eo.