Nova Vulgata25In tribus placitum est spiritui meo, quae sunt probata coram Deo et hominibus:
Gr II: 16 La: 35b Syr: 36b
Nova Vulgata 25,2concordia fratrum et amor proximorum et vir et mulier bene sibi consentientes.
Nova Vulgata 25,3Tres species odivit anima mea, et aggravor valde animae illorum:
Nova Vulgata 25,4pauperem superbum, divitem mendacem, senem fatuum et insensatum.
Nova Vulgata 25,5In iuventute tua non congregasti; quomodo in senectute tua invenies?
Nova Vulgata 25,6Quam speciosum canitiei iudicium, et presbyteris cognoscere consilium!
Nova Vulgata 25,7Quam speciosa veteranis sapientia, et gloriosis intellectus et consilium!
Nova Vulgata 25,8Corona senum multa peritia, et gloria illorum timor Dei.
Nova Vulgata 25,9Novem insuspicabilia cordis magnificavi, et decimum dicam in lingua hominibus:
Nova Vulgata 25,10homo, qui iucundatur in filiis, vivens et videns subversionem inimicorum suorum;
Nova Vulgata 25,11beatus, qui habitat cum muliere sensata et non arat in bove et in asino simul; et qui lingua sua non est lapsus, et qui non servivit indigno se;
Nova Vulgata 25,12beatus, qui invenit amicum verum, et qui enarrat iustitiam auri audienti;
Nova Vulgata 25,13quam magnus, qui invenit sapientiam et scientiam, sed non est super timentem Dominum.
Nova Vulgata 25,14Timor Dei super omnia excedit;
Nova Vulgata 25,15qui tenet illum, cui assimilabitur?
Nova Vulgata 25,16Timor Dei initium dilectionis eius; fides autem initium adhaesionis ei.
Nova Vulgata 25,17Omnis plaga tristitia cordis est, et omnis malitia nequitia mulieris.
Nova Vulgata 25,18Et omnem plagam et non plagam cordis;
Nova Vulgata 25,19et omnem nequitiam et non nequitiam mulieris;
Nova Vulgata 25,20et omnem calamitatem et non calamitatem odientium;
Nova Vulgata 25,21et omnem vindictam et non vindictam inimicorum.
Nova Vulgata 25,22Non est venenum nequius super venenum colubri,
Nova Vulgata 25,23et non est ira super iram mulieris; commorari leoni et draconi placebit quam habitare cum muliere nequam.
Nova Vulgata 25,24Nequitia mulieris immutat faciem eius et obscurat vultum eius tamquam ursus. In medio proximorum eius accumbet vir eius
Nova Vulgata 25,25et invitus suspirabit amare.
Nova Vulgata 25,26Parva omnis malitia prae malitia mulieris: sors peccatorum cadat super illam.
Nova Vulgata 25,27Sicut ascensus arenosus in pedibus veterani, sic mulier linguata homini quieto.
Nova Vulgata 25,28Ne incidas in mulieris speciem et non concupiscas mulieris opes.
Nova Vulgata 25,29Ira et irreverentia et confusio magna
Nova Vulgata 25,30mulier, si primatum habeat super virum suum.
Nova Vulgata 25,31Cor humile et facies tristis et plaga cordis mulier nequam.
Nova Vulgata 25,32Manus debiles et genua dissoluta mulier, quae non beatificat virum suum.
Nova Vulgata 25,33A muliere initium factum est peccati, et per illam omnes morimur.
Nova Vulgata 25,34Non des aquae tuae exitum, nec modicum, nec mulieri nequam veniam prodeundi.
Nova Vulgata 25,35Si non ambulaverit ad manum tuam, confundet te in conspectu inimicorum;
Nova Vulgata 25,36a carnibus tuis abscinde illam et dimitte illam de domo tua.
