Nova Vulgata27Propter lucrum multi deliquerunt; et, qui quaerit locupletari, avertet oculum suum.
La: 9cd. 23a. 29b
Nova Vulgata 27,2Sicut in medio compaginis lapidum palus figitur, sic et inter medium venditionis et emptionis constringitur peccatum.
Nova Vulgata27,(3)
Nova Vulgata 27,4Si non in timore Domini tenueris te, instanter cito subvertetur domus tua.
Nova Vulgata 27,5Sicut in percussura cribri remanent quisquiliae, sic peripsemata hominis in cogitatu illius.
Nova Vulgata 27,6Vasa figuli probat fornax, et homines iustos tentatio tribulationis.
Nova Vulgata 27,7Sicut rusticationem ligni ostendit fructus illius, sic verbum ex cogitatu cordis hominis.
Nova Vulgata27,8Ante sermonem non laudes virum: haec enim tentatio est hominum.
Nova Vulgata 27,9Si sequaris iustitiam, apprehendes illam et indues quasi poderem honoris et inhabitabis cum ea, et proteget te in sempiternum, et in die agnitionis invenies firmamentum.
Nova Vulgata 27,10Volatilia ad sibi similia conveniunt, et veritas ad eos, qui operantur illam, revertetur.
Nova Vulgata 27,11Leo venationi insidiatur semper, sic peccata operantibus iniquitates.
Nova Vulgata 27,12Loquela timorati semper in sapientia manet; stultus autem sicut luna mutatur.
Nova Vulgata 27,13In medio insensatorum serva tempus, in medio autem cogitantium assiduus esto.
Nova Vulgata 27,14Loquela stultorum odiosa, et risus illorum in deliciis peccati.
Nova Vulgata 27,15Loquacitas multum iurantis horripilationem capiti statuet, et rixa illorum obturatio aurium.
Nova Vulgata 27,16Effusio sanguinis rixa superborum, et maledictio illorum auditus gravis.
Nova Vulgata 27,17Qui denudat arcana, amici fidem perdit et non inveniet amicum ad animum suum:
Nova Vulgata 27,18dilige amicum et coniungere fide cum illo;
Nova Vulgata 27,19quod, si denudaveris absconsa illius, non persequeris post eum.
Nova Vulgata 27,20Sicut enim homo, qui extulit mortuum suum, sic et qui perdit amicitiam proximi sui;
Nova Vulgata 27,21et sicut qui dimittit avem de manu sua, sic dereliquisti proximum tuum et non eum capies.
Nova Vulgata 27,22Non illum sequaris, quoniam longe abest; effugit enim quasi caprea de laqueo, quoniam vulnerata est anima eius;
Nova Vulgata 27,23ultra eum non poteris colligare. Et maledicti est concordatio,
Nova Vulgata 27,24denudare autem amici mysteria amputatio spei est.
Nova Vulgata 27,25Annuens oculo fabricat iniqua;
qui novit eum, recedet ab illo.
Nova Vulgata 27,26In conspectu oculorum tuorum condulcabit os suum et super sermones tuos admirabitur; novissime autem pervertet os suum et in verbis tuis dabit scandalum.
Nova Vulgata 27,27Multa odivi et non coaequavi ei, et Dominus odiet illum.
Nova Vulgata 27,28Qui in altum mittit lapidem, super caput eius cadet, et plaga dolosa dolosi dividet vulnera.
Nova Vulgata27,29Qui foveam fodit, incidet in eam, et, qui statuit lapidem proximo, offendet in eo, et, qui laqueum alii ponit, capietur in illo.
Nova Vulgata 27,30Facienti nequissimum consilium, super ipsum devolvetur, et non agnoscet, unde adveniat illi.
Nova Vulgata 27,31Illusio et improperium superbo, et vindicta sicut leo insidiabitur illi.
Nova Vulgata 27,32Laqueo capientur, qui oblectantur casu iustorum, dolor autem consumet illos, antequam moriantur.
Nova Vulgata 27,33Ira et furor utraque exsecrabilia sunt, et vir peccator continens erit illorum.