Nova Vulgata28Qui vindicari vult, a Domino inveniet vindictam, et peccata illius servans servabit.
La: 5b. 13c. 18. 28a. 30c
Nova Vulgata 28,2Dimitte proximo tuo nocenti te, et tunc deprecanti tibi peccata tua solventur.
Nova Vulgata 28,3Homo homini reservat iram et a Deo quaerit medelam?
Nova Vulgata 28,4In hominem similem sibi non habet misericordiam et de peccatis suis deprecatur?
Nova Vulgata 28,5Ipse, cum caro sit, reservat iram: et propitiationem petit a Deo? Quis exorabit pro delictis illius?
Nova Vulgata 28,6Memento novissimorum et desine inimicari,
Nova Vulgata 28,7tabitudinis et mortis et permane in mandatis eius.
Nova Vulgata 28,8Memorare mandatorum et non irascaris proximo.
Nova Vulgata 28,9Memorare testamentum Altissimi et ne respicias ignorantiam proximi.
Nova Vulgata 28,10Abstine te a lite et minues peccata:
Nova Vulgata 28,11homo enim iracundus incendit litem, et vir peccator turbabit amicos et in medio pacem habentium immittet inimicitiam.
Nova Vulgata 28,12Secundum enim ligna silvae sic ignis exardescit, et secundum virtutem hominis sic iracundia illius erit, et secundum substantiam suam exaltabit iram suam.
Nova Vulgata 28,13Certamen festinatum incendit ignem, et lis festinans effundit sanguinem, et lingua testificans adducit mortem.
Nova Vulgata 28,14Si sufflaveris in scintillam, quasi ignis exardebit; et, si exspueris super illam, exstinguetur: utraque ex ore tuo proficiscuntur.
Nova Vulgata 28,15Susurro et bilinguis maledictus: multos enim perdidit pacem habentes.
Nova Vulgata 28,16Lingua tertia multos commovit et dispersit illos de gente in gentem;
Nova Vulgata 28,17civitates muratas divitum destruxit et domos magnatorum evertit;
Nova Vulgata 28,18virtutes populorum concidit et gentes fortes dissolvit.
Nova Vulgata 28,19Lingua tertia mulieres viratas eiecit et privavit illas laboribus suis.
Nova Vulgata 28,20Qui respicit illam, non habebit requiem nec habebit amicum, in quo requiescat.
Nova Vulgata 28,21Flagelli plaga livorem facit, plaga autem linguae comminuet ossa;
Nova Vulgata 28,22multi ceciderunt in ore gladii, sed non sic quasi qui interierunt per linguam suam.
Nova Vulgata 28,23Beatus, qui tectus est ab ea, qui in iracundiam illius non transivit, et qui non attraxit iugum illius et in vinculis eius non est ligatus.
Nova Vulgata 28,24Iugum enim illius iugum ferreum est, et vinculum illius vinculum aereum est;
Nova Vulgata 28,25mors illius mors nequissima, et utilis potius infernus quam illa.
Nova Vulgata 28,26Non obtinebit imperium iustorum, et in flamma eius non comburentur;
Nova Vulgata 28,27qui relinquunt Deum, incident in illam, et exardebit in illis et non exstinguetur et immittetur in illos quasi leo et quasi pardus laedet illos.
Nova Vulgata 28,28Saepi aures tuas spinis, linguam nequam noli audire et ori tuo facito ostia et seras.
Nova Vulgata 28,29Aurum tuum et argentum tuum obsigna et verbis tuis facito stateram et frenos ori tuo rectos.
Nova Vulgata 28,30Et attende, ne forte labaris in lingua, ne cadas in conspectu inimicorum insidiantium tibi, et sit casus tuus insanabilis in mortem.
