Nova Vulgata3Filii sapientiae ecclesia iustorum, et natio illorum oboedientia et dilectio.
La: 1. 4bc. 22d. 28. 32 Gr II: 20cd
Nova Vulgata 3,2Indicium patris audite, filii, et sic facite, ut salvi sitis.
Nova Vulgata 3,3Deus enim honoravit patrem in filiis et iudicium matris firmavit in filios.
Nova Vulgata 3,4Qui honorat patrem, exorabit pro peccatis et continebit se ab illis et in oratione dierum exaudietur.
Nova Vulgata 3,5Et, sicut qui thesaurizat, ita et qui honorificat matrem suam.
Nova Vulgata 3,6Qui honorat patrem suum, iucundabitur in filiis et in die orationis suae exaudietur;
Nova Vulgata 3,7qui honorat patrem suum, vita vivet longiore, et, qui oboedit patri, refrigerabit matrem.
Nova Vulgata 3,8Qui timet Dominum, honorat parentes et quasi dominis serviet his, qui se genuerunt.
Nova Vulgata 3,9In opere et sermone honora patrem tuum,
Nova Vulgata 3,10ut superveniat tibi benedictio ab eo.
Nova Vulgata 3,11Benedictio patris firmat domos filiorum; maledictio autem matris eradicat fundamenta.
Nova Vulgata 3,12Ne glorieris in contumelia patris tui, non est enim tibi gloria eius confusio;
Nova Vulgata 3,13gloria enim hominis ex honore patris sui, et dedecus filii mater sine honore.
Nova Vulgata 3,14Fili, suscipe senectam patris tui et non contristes eum in vita illius;
Nova Vulgata 3,15et, si defecerit sensu, veniam da et ne spernas eum omnibus diebus vitae eius. Eleemosyna enim patris non erit in oblivione,
Nova Vulgata 3,16nam pro peccatis ipsa plantabitur
Nova Vulgata 3,17et in iustitia aedificabitur tibi; et in die tribulationis commemorabitur tui, et sicut in sereno glacies solventur tua peccata.
Nova Vulgata 3,18Quam malae famae est, qui derelinquit patrem; et maledictus a Deo, qui exasperat matrem.
Nova Vulgata 3,19Fili, in mansuetudine opera tua perfice et super hominem datorem diligeris.
Nova Vulgata 3,20Quanto magnus es, humilia te in omnibus et coram Deo invenies gratiam. Multi sunt excelsi et gloriosi, sed mansuetis revelat mysteria sua.
Nova Vulgata 3,21Quoniam magna potentia Dei solius, et ab humilibus honoratur.
Nova Vulgata 3,22Altiora te ne quaesieris et fortiora te ne scrutatus fueris; sed, quae praecepit tibi Deus, illa cogita semper et in pluribus operibus eius ne fueris curiosus.
Nova Vulgata 3,23Non est enim tibi necessarium ea, quae abscondita sunt, videre oculis tuis.
Nova Vulgata 3,24In supervacuis rebus noli scrutari multipliciter;
Nova Vulgata 3,25plurima enim super sensum hominum ostensa sunt tibi.
Nova Vulgata 3,26Multos quoque supplantavit suspicio illorum, et species vana decepit sensus illorum. Sine pupilla deerit lux, sine scientia deerit sapientia.
Nova Vulgata 3,27Cor durum male habebit in novissimo; et, qui amat periculum, in illo peribit.
Nova Vulgata 3,28Cor ingrediens duas vias non habebit successus, et pravus corde in illis scandalizabitur.
Nova Vulgata 3,29Cor nequam gravabitur doloribus, et peccator adiciet peccatum ad peccatum.
Nova Vulgata 3,30Plagis superborum non erit sanitas, frutex enim peccati radicabitur in illis et non intellegetur.
Nova Vulgata 3,31Cor sapientis intelleget verba sapientium, et auris audiens concupiscet sapientiam.
Nova Vulgata 3,32Sapiens cor et intellegibile abstinebit se a peccatis et in operibus iustitiae successus habebit.
Nova Vulgata 3,33Ignem ardentem exstinguit aqua, sic eleemosyna expiat peccata.
Nova Vulgata 3,34Deus prospector est eius, qui reddit gratiam; meminit eius in posterum, et in tempore casus sui inveniet firmamentum.
