Nova Vulgata37Omnis amicus dicet: «Et ego amicitiam copulavi!»; sed est amicus solo nomine amicus. Nonne tristitia appropinquans usque ad mortem:
La: 7
Nova Vulgata 37,2sodalis et amicus ad inimicitiam conversus?
Nova Vulgata 37,3O praesumptio nequissima, unde creata es cooperire aridam malitia et dolositate illius?
Nova Vulgata 37,4Sodalis amico coniucundatur in oblectationibus, et in tempore tribulationis adversarius erit;
Nova Vulgata 37,5sodalis amico condolet causa ventris et contra hostem accipiet scutum.
Nova Vulgata 37,6Non obliviscaris amici tui in animo tuo et non immemor sis illius in opibus tuis.
Nova Vulgata 37,7Noli consiliari cum eo, qui tibi insidiatur, et a zelantibus te absconde consilium.
Nova Vulgata 37,8Omnis consiliarius prodit consilium, sed est consiliarius pro semetipso.
Nova Vulgata 37,9A consiliario serva animam tuam et prius scito quae sit illius necessitas — et ipse enim animo suo cogitabit —
Nova Vulgata 37,10ne forte mittat super te sortem et dicat tibi:
Nova Vulgata37,11«Bona est via tua» et stet e contrario videre quid tibi eveniat.
Nova Vulgata 37,12Noli consiliari cum invido et a zelante te consilium absconde; nec cum muliere de ea, quae ei aemulatur, cum timido de bello, cum negotiatore de traiecticio, cum emptore de venditione, cum viro livido de gratiis agendis,
Nova Vulgata 37,13cum impio de pietate, cum inhonesto de honestate, cum operario otioso de omni opere,
Nova Vulgata 37,14cum mercennario annuali de consummatione anni, cum servo pigro de multa operatione: non attendas his in omni consilio.
Nova Vulgata 37,15Sed cum viro timorato assiduus esto, quemcumque cognoveris observantem mandata,
Nova Vulgata 37,16cuius anima est secundum animam tuam, et qui, cum titubaveris in tenebris, condolebit tibi.
Nova Vulgata 37,17Et consilium cordis statue tecum; non est enim tibi aliud fidelius illo.
Nova Vulgata 37,18Anima viri enuntiat aliquando vera quam septem circumspectores sedentes in excelso ad speculandum.
Nova Vulgata 37,19Et in his omnibus deprecare Altissimum, ut dirigat in veritate viam tuam.
Nova Vulgata 37,20Ante omnia opera verbum verax praecedat te, et ante omnem actum consilium stabile.
Nova Vulgata 37,21Radix consiliorum cor, ex quo partes quattuor oriuntur: bonum et malum, vita et mors; et dominatrix illorum est assidua lingua.
Nova Vulgata 37,22Est vir peritus multorum eruditor et animae suae inutilis est.
Nova Vulgata 37,23Est qui sophistice loquitur et odibilis est; in omni cibo voluptatis defraudabitur.
Nova Vulgata 37,24Non est illi data a Domino gratia: omni enim sapientia defraudatus est.
Nova Vulgata 37,25Est sapiens animae suae sapiens, et fructus sensus illius super corpus suum.
Nova Vulgata 37,26Vir sapiens plebem suam erudit, et fructus sensus illius fideles sunt.
Nova Vulgata 37,27Vir sapiens implebitur benedictionibus, et omnes videntes illum beatum dicent.
Nova Vulgata 37,28Vita viri in numero dierum; dies autem Israel innumerabiles sunt.
Nova Vulgata 37,29Sapiens in populo hereditabit honorem, et nomen illius erit vivens in aeternum.
Nova Vulgata 37,30Fili, in vita tua tenta animam tuam et vide si quid obnoxium ei est: non des illi.
Nova Vulgata 37,31Non enim omnia omnibus expediunt, et non omni animae omne genus placet.
Nova Vulgata 37,32Noli avidus esse in omni epulatione et non te effundas super omnem escam.
Nova Vulgata 37,33In multis enim escis erit infirmitas, et aviditas appropinquabit usque ad choleram.
Nova Vulgata 37,34Propter crapulam multi obierunt; qui autem abstinens est, adiciet vitam.
