Nova Vulgata43Gloria altitudinis firmamentum puritatis, species caeli in visione gloriae.
La: 25a
Nova Vulgata 43,2Sol in apparitione annuntians in processu: vas admirabile, opus Excelsi.
Nova Vulgata 43,3In meridiano suo exurit terram, et in conspectu ardoris eius quis poterit sustinere? Fornacem ventilans in operibus ardoris tripliciter,
Nova Vulgata 43,4sol exurens montes, vapores igneos exsufflans et refulgens radiis suis obcaecat oculos.
Nova Vulgata 43,5Magnus Dominus, qui fecit illum et sermonibus eius festinavit iter.
Nova Vulgata 43,6Et luna stat in tempus suum, in ostensionem temporis et signum aevi.
Nova Vulgata 43,7A luna signum diei festi; luminare, quod minuitur in consummatione.
Nova Vulgata 43,8Mensis secundum nomen eius est, crescens mirabiliter in consummatione.
Nova Vulgata 43,9Vas castrorum in excelsis, in firmamento caeli resplendens gloriose.
Nova Vulgata 43,10Species caeli gloria stellarum, mundum illuminans in excelsis Domini.
Nova Vulgata 43,11In verbis Sancti stabunt iuxta praeceptum et non deficient in vigiliis suis.
Nova Vulgata 43,12Vide arcum et benedic eum, qui fecit illum; valde speciosus est in splendore suo.
Nova Vulgata 43,13Gyravit caelum in circuitu gloriae suae, manus Excelsi tetenderunt illum.
Nova Vulgata 43,14Imperio suo acceleravit nivem et properat coruscationes iudicii sui.
Nova Vulgata 43,15Propterea aperti sunt thesauri, et evolaverunt nebulae sicut aves.
Nova Vulgata 43,16In magnitudine sua firmavit nubes, et confracti sunt lapides grandinis. Vox tonitrui eius tremefacit terram,
Nova Vulgata 43,17in conspectu eius commovebuntur montes. In voluntate eius aspirabit notus,
Nova Vulgata 43,18tempestas aquilonis et congregatio spiritus.
Nova Vulgata 43,19Et, sicut aves deponentes ad sedendum, aspergit nivem,
et, sicut locusta demergens, descensus eius:
Nova Vulgata 43,20pulchritudinem candoris eius admirabitur oculus, et super imbrem eius expavescet cor.
Nova Vulgata 43,21Gelu sicut salem effundet super terram, et, dum gelaverit, fit tamquam cacumina tribuli.
Nova Vulgata 43,22Frigidus ventus aquilo flabit, et gelabit crystallus super aquam; super omnem congregationem aquarum requiescet, et sicut lorica induet se aqua.
Nova Vulgata 43,23Devorabit montes et exuret desertum et exstinguet viridem sicut ignis.
Nova Vulgata 43,24Medicina omnium in festinatione nebulae, et ros obvians ab ardore hilarescet.
Nova Vulgata 43,25Cogitatione sua placavit abyssum et plantavit in illa insulas.
Nova Vulgata 43,26Qui navigant mare, enarrant pericula eius, et audientes auribus nostris admiramur.
Nova Vulgata 43,27Illic praeclara opera et mirabilia, varia bestiarum genera et omnium pecorum et creatura belluarum.
Nova Vulgata 43,28Propter ipsum iter prosperat angelus eius, et in sermone eius composita sunt omnia.
Nova Vulgata 43,29Multa dicemus et deficiemus verbis; consummatio autem sermonum: «Ipse est omnia!».
Nova Vulgata 43,30Glorificantes ad quid valebimus? Ipse enim Magnus super omnia opera sua.
Nova Vulgata 43,31Terribilis Dominus et magnus vehementer, et mirabilis potentia ipsius.
Nova Vulgata 43,32Glorificantes Dominum exaltate, quantumcumque potueritis: supervalebit enim adhuc, et admirabilis magnificentia eius.
Nova Vulgata43,33
Nova Vulgata 43,34Exaltantes eum replemini virtute; ne laboretis, non enim pervenietis usquam.
Nova Vulgata 43,35Quis vidit eum et enarrabit? Et quis magnificabit eum sicut est?
Nova Vulgata 43,36Multa abscondita sunt maiora his; pauca enim vidimus operum eius.
Nova Vulgata 43,37Omnia autem Dominus fecit et pie agentibus dedit sapientiam.