Nova Vulgata4545,1dilectum a Deo et hominibus Moysen, cuius memoria in benedictione est.
Nova Vulgata 45,2Similem illum fecit in gloria sanctorum et magnificavit eum in timore inimicorum et in verbis suis signa acceleravit.
Nova Vulgata 45,3Glorificavit illum in conspectu regum et ius dedit illi ad populum suum et ostendit illi gloriam suam.
Nova Vulgata 45,4In fide et lenitate ipsius sanctum fecit illum et elegit eum ex omni carne.
Nova Vulgata 45,5Auditam fecit illi vocem suam et induxit illum in nubem;
Nova Vulgata 45,6et dedit illi coram praecepta et legem vitae et disciplinae, docere Iacob testamentum suum et iudicia sua Israel.
Nova Vulgata Excelsum fecit Aaron sanctum similem ei, fratrem eius de tribu Levi.
7-27Aaron – Pericope de Aaron fere ad textum Hebraicum accommodata est
Nova Vulgata 45,8Statuit illum in testamentum aeternum et dedit illi sacerdotium gentis, et beatificavit illum in gloria
Nova Vulgata 45,9et circumcinxit eum zona gloriae. Et induit eum perfecto decore et coronavit eum in vasis virtutis:
Nova Vulgata 45,10femoralia et tunicam et umerale posuit ei et cinxit illum tintinnabulis aureis, malis granatis plurimis in gyro,
Nova Vulgata 45,11ut daret sonitum in incessu suo, auditum faceret sonitum in temploin memoria m filiis gentis suae.
Nova Vulgata 45,12Stola sancta auro et hyacintho et purpura, opus textile rationale iudicii et cingulum,
Nova Vulgata 45,13tortum coccum opere artificis, gemmae pretiosae super rationale in ligatura auri, opere lapidarii sculptis, in memoriam cum scriptura sculpta secundum numerum tribuum Israel.
Nova Vulgata 45,14Corona aurea super mitram eius, lamina cum signo sanctitatis, gloria honoris, opus virtutis et desideria oculorum, perfecta pulchritudo
Nova Vulgata 45,15Sic pulchra ante ipsum non fuerunt talia in sempiternum;
Nova Vulgata 45,16non induet illa alienigena aliquis, sed tantum filii ipsius soli et nepotes eius per omne tempus.
Nova Vulgata 45,17Sacrificium ipsius consumitur igne cotidie iuge bis.
Nova Vulgata 45,18Complevit Moyses manus eius et unxit illum oleo sancto.
Nova Vulgata 45,19Factum est illi in testamentum aeternum et semini eius sicut dies caeli: ministrare illi et fungi sacerdotio et benedicere populum suum in nomine eius.
Nova Vulgata 45,20Ipsum elegit ab omni vivente offerre sacrificium Deo, incensum et adipes et incendere bonum odorem et memoriale et placare pro populo suo.
Nova Vulgata 45,21Et dedit illi in praeceptis suis potestatem, in testamentis iudiciorum: docere Iacob testimonia et in lege sua lucem dare Israel.
Nova Vulgata 45,22Quia contra illum steterunt alieni, et propter invidiam circumdederunt illum homines in deserto, qui erant cum Dathan et Abiram, et congregatio Core in iracundia furoris sui.
Nova Vulgata 45,23Vidit Dominus Deus, et non placuit illi, et consumpti sunt in impetu iracundiae eius.
Nova Vulgata 45,24Fecit illis monstra et consumpsit illos in flamma ignis.
Nova Vulgata 45,25Et addidit Aaron gloriam et dedit illi hereditatem et primitias frugum terrae divisit illi.
Nova Vulgata 45,26Panem ipsis in primis paravit in satietatem, nam et sacrificia Domini edent, quae dedit illi et semini eius.
Nova Vulgata 45,27Ceterum in terra gentis non hereditabit, et pars non est illi in gente: ipse est enim pars eius et hereditas.
Nova Vulgata 45,28Et Phinees filius Eleazari tertius in gloria est, zelando timorem Domini;
Nova Vulgata 45,29et stetit in ruptura pro gente, in bonitate et alacritate animae suae placuit Deo pro lsrael.
Nova Vulgata 45,30Ideo statuit illi testamentum pacis, principem sanctorum et gentis suae, ut sit illi et semini eius sacerdotii dignitas in aeternum.
Nova Vulgata 45,31Et testamentum David regi filio Iesse de tribu Iudae, hereditas viri coram gloria eius, hereditas Aaron et semini eius. Det vobis sapientiam in cor vestrum iudicare gentem suam in iustitia, ne abolerentur bona ipsorum, et gloria ipsorum in generationes aeternas.
