Nova Vulgata6Nec pusillum nec multum noceas et noli fieri pro amico inimicus. Nomen enim malum et improperium et contumeliam hereditabis; sic omnis peccator invidus et bilinguis.
La: 4c. 23c
Nova Vulgata 6,2Non te extollas in cogitatione animae tuae velut taurus, ne forte elidatur virtus tua per stultitiam,
Nova Vulgata 6,3et folia tua comedat et fructus tuos perdat, et relinquaris velut lignum aridum in eremo.
Nova Vulgata 6,4Anima enim nequam disperdet eum, qui se habet, et in gaudium inimicis dat illum et deducet in sortem impiorum.
Nova Vulgata 6,5Os dulce multiplicat amicos et mitigat inimicos; et lingua eucharis salutem dicit.
Nova Vulgata 6,6Multi pacifici sint tibi, et consiliarius sit tibi unus de mille.
Nova Vulgata 6,7Si possides amicum, in tentatione posside eum et ne facile credas ei.
Nova Vulgata 6,8Est enim amicus secundum opportunitatem suam et non permanebit in die tribulationis.
Nova Vulgata 6,9Et est amicus, qui convertitur ad inimicitiam et rixam convicii tui denudabit.
Nova Vulgata 6,10Est autem amicus socius mensae et non permanebit in die necessitatis;
Nova Vulgata 6,11in prosperis erit tibi quasi coaequalis et in domesticis tuis fiducialiter aget.
Nova Vulgata 6,12Si humiliatus fueris, convertetur contra te et a facie tua abscondet se.
Nova Vulgata 6,13Ab inimicis tuis separare et de amicis tuis attende.
Nova Vulgata 6,14Amicus fidelis protectio fortis; qui autem invenit illum, invenit thesaurum.
Nova Vulgata 6,15Amico fideli nulla est comparatio, et non est ponderatio contra bonitatem illius.
Nova Vulgata 6,16Amicus fidelis medicamentum vitae, et, qui metuunt Dominum, invenient illum.
Nova Vulgata 6,17Qui timet Deum, aeque habebit amicitiam eius, quoniam secundum illum erit amicus illius.
Nova Vulgata 6,18Fili, a iuventute tua excipe doctrinam et usque ad canos invenies sapientiam.
Nova Vulgata 6,19Quasi is qui arat et seminat, accede ad eam et sustine bonos fructus illius.
Nova Vulgata 6,20In opere enim ipsius exiguum laborabis et cito edes de generationibus illius.
Nova Vulgata 6,21Quam aspera est nimium sapientia indoctis hominibus, et non permanebit in illa excors.
Nova Vulgata 6,22Quasi lapis probationis gravis erit super illum, et non demorabitur proicere illam.
Nova Vulgata 6,23Doctrina est enim secundum nomen eius et non est multis manifesta; quibus autem cognita est, permanet usque ad conspectum Dei.
Nova Vulgata 6,24Audi, fili, et accipe sententiam meam et ne abicias consilium meum.
Nova Vulgata 6,25Inice pedem tuum in compedes illius et in torques illius collum tuum;
Nova Vulgata 6,26subice umerum tuum et porta illam et ne acedieris vinculis eius.
Nova Vulgata 6,27In omni animo tuo accede ad illam et in omni virtute tua conserva vias eius.
Nova Vulgata 6,28Investiga et scrutare, exquire et invenies, et continens factus ne derelinquas eam.
Nova Vulgata 6,29In novissimis enim invenies requiem in ea, et convertetur tibi in oblectationem.
Nova Vulgata 6,30Et erunt tibi compedes eius in protectionem fortitudinis et torques illius in stolam gloriae;
Nova Vulgata 6,31decor enim aureus est in illa, et vincula illius alligatura hyacinthina.
Nova Vulgata 6,32Stolam gloriae indues eam et coronam gratulationis superpones tibi.
Nova Vulgata 6,33Fili, si attenderis, disces; et, si accommodaveris animum tuum, prudens eris.
Nova Vulgata 6,34Si dilexeris audire, excipies doctrinam; et, si inclinaveris aurem tuam, sapiens eris.
Nova Vulgata 6,35In multitudine presbyterorum sta et sapientiae illorum ex corde coniungere, ut omnem narrationem Dei velis audire, et proverbia intellectus non effugiant a te.
Nova Vulgata 6,36Et, si videris sensatum, evigila ad eum, et gradus ostiorum illius exterat pes tuus.
Nova Vulgata 6,37Cogitatum tuum habe in praeceptis Dei et in mandatis illius maxime assiduus esto; et ipse firmabit tibi cor, et concupiscentia sapientiae dabitur tibi.
