Nova Vulgata1010,1Rex vero Asuerus terrae et maris insulis imposuit tributum.
Nova Vulgata10,2Cuius fortitudo et imperium et dignitas atque sublimitas, qua exaltavit Mardochaeum, scripta sunt in libro annalium regum Medorum atque Persarum,
Nova Vulgata10,3et quomodo Mardochaeus Iudaici generis secundus a rege Asuero fuerit et magnus apud Iudaeos et acceptabilis plebi fratrum suorum, quaerens bona populo suo et loquens ea, quae ad pacem seminis sui pertinerent.
Nova Vulgata Dixitque Mardochaeus ad omnes: «A Deo facta sunt ista!».
3a-k= Vg 104-12
Nova Vulgata10,3bRecordatus est enim Mardochaeus somnii, quod viderat, haec eadem significantis; nec eorum quidquam irritum fuit.
Nova Vulgata10,3c«Quod parvus fons crevit in fluvium, et erat lux et sol et aqua plurima: fons et flumen est Esther, quam rex accepit uxorem et voluit esse reginam;
Nova Vulgata10,3dduo autem dracones, ego sum et Aman;
Nova Vulgata10,3egentes, quae convenerant, hi sunt, qui conati sunt delere nomen Iudaeorum;
Nova Vulgata10,3fgens autem mea, id est Israel, sunt illi, qui clamaverunt ad Dominum; et salvum fecit Dominus populum suum liberavitque nos de omnibus malis et fecit signa magna atque portenta, quae non sunt facta inter gentes.
Nova Vulgata10,3gEt duas sortes esse praecepit, unam populi Dei et alteram cunctarum gentium.
Nova Vulgata10,3hVenitque utraque sors in statutum tempus et in diem iudicii coram Deo universis gentibus.
Nova Vulgata10,3iEt recordatus est Deus populi sui ac iustificavit hereditatem suam.
Nova Vulgata10,3kEt observabuntur dies isti in mense Adar, quarta decima et quinta decima die eiusdem mensis, dies congregationis et hilaritatis et gaudii coram Deo per vestras deinceps generationes in populo Israel».
