Nova Vulgata2727,1Et factum est verbum Domini ad me dicens:
Nova Vulgata27,2«Tu ergo, fili hominis, assume super Tyrum lamentum
Nova Vulgata27,3et dices Tyro, quae habitat in introitu maris, negotiatrici populorum ad insulas multas: Haec dicit Dominus Deus: O Tyre, tu dixisti: “Perfecti decoris ego sum!”.
Nova Vulgata 27,4In corde maris fines tui; qui te aedificaverunt, impleverunt decorem tuum.
Nova Vulgata 27,5Abietibus de Sanir exstruxerunt tibi omnia tabulata; cedrum de libano tulerunt, ut facerent tibi malum;
Nova Vulgata 27,6quercus de Basan dolaverunt in remos tuos et transtra tua fecerunt ex ebore et cupressis de insulis Cetthim.
Nova Vulgata 27,7Byssus varia texta de Aegypto erat tibi in velum, ut poneretur in malo, hyacinthus et purpura de insulis Elisa facta sunt operimentum tuum.
Nova Vulgata 27,8Habitatores Sidonis et Aradii fuerunt remiges tui; sapientes tui, Tyre, facti sunt nautae tui.
Nova Vulgata 27,9Senes Gibli et prudentes eius fuerunt in te, ut sarcirent rimas tuas. Omnes naves maris et nautae earum fuerunt in te, ut mercarentur merces tuas.
Nova Vulgata 27,10Persae et Lud et Phut erant in exercitu tuo, viri bellatores tui. Clipeum et galeam suspenderunt in te; ipsi dederunt tibi splendorem.
Nova Vulgata27,11Filii Aradii cum exercitu tuo erant super muros tuos in circuitu, et Gammadii erant in turribus tuis. Clipeos suos suspenderunt in muris tuis per gyrum; ipsi compleverunt pulchritudinem tuam.
Nova Vulgata27,12Tharsis negotiatrix tua propter multitudinem cunctarum divitiarum; argentum, ferrum, stannum plumbumque dederunt pro mercibus tuis.
Nova Vulgata 27,13Iavan, Thubal et Mosoch ipsi institores tui; mancipia et vasa aerea adduxerunt tibi in commutationem populo tuo.
Nova Vulgata27,14De domo Thogorma equos et equites et mulos adduxerunt pro mercibus tuis ad forum tuum;
Nova Vulgatafilii Rhodi negotiatores tui; insulae multae negotiatio manus tuae: dentes eburneos et ebenina reddiderunt tibi ut tributum.
15Rhodi – Lege cum Gr rōdān; TM «Dedan»
Nova VulgataEdom negotiator tuus propter multitudinem operum tuorum; carbunculum, purpuram et scutulata et byssum et corallia et rubinum attulerunt pro mercibus tuis.
16Edom – Lege cum 25 mss Hebraicis, Syr, Aq et Gr ’ēdōm; TM «Aram»
Nova Vulgata27,17Iuda et terra Israel ipsi institores tui; frumentum primum, balsamum et mel et oleum et resinam attulerunt tibi in commutationem.
Nova Vulgata27,18Damascenus negotiator tuus propter multitudinem operum tuorum, propter multitudinem diversarum opum; vinum de Helbon et lanam de Sahar
Nova Vulgataet vinum de Uzal pro mercibus tuis dederunt; ferrum fabrefactum, cassia et calamus in commutatione tua erat.
19Et vinum – Lege cum Gr wejajin; TM «et Dan et Iavan»
Nova Vulgata27,20Dedan institores tui in tapetibus ad equitandum.
Nova Vulgata27,21Arabia et universi principes Cedar ipsi negotiatores manus tuae; cum agnis et arietibus et haedis, cum quibus erant negotiatores tui.
Nova Vulgata27,22Venditores Saba et Regma, ipsi negotiatores tui, universa prima aromata et omnem lapidem pretiosum et aurum dederunt pro mercibus tuis.
Nova Vulgata27,23Charran et Chenne et Eden negotiatores tui; Saba, Assyria et Chelmad venditores tui.
Nova Vulgata27,24Ipsi negotiatores tui cum vestibus splendidis, involucris hyacinthinis et polymitis texturisque discoloribus, funibus obvolutis et cedris in negotiationibus tuis.
Nova Vulgata 27,25Naves Tharsis, principes tui in negotiatione tua; et repleta es et glorificata nimis in corde maris.
Nova Vulgata 27,26In aquis multis adduxerunt te remiges tui; ventus auster contrivit te in corde maris.
Nova Vulgata 27,27Divitiae tuae et thesauri tui et multiplices merces tuae, nautae tui et gubernatores tui, resarcientes rimas tuas et commutantes merces tuas, omnes quoque viri bellatores tui, qui sunt in te, cum universa multitudine tua, quae est in medio tui, cadent in corde maris in die ruinae tuae.
Nova Vulgata 27,28A sonitu clamoris gubernatorum tuorum conturbabuntur litora.
Nova Vulgata 27,29Et descendent de navibus suis omnes, qui tenebant remum; nautae et universi gubernatores maris in terra stabunt.
Nova Vulgata 27,30Et eiulabunt super te voce magna et clamabunt amare; et superiacient pulverem capitibus suis, in cinere volutabuntur.
Nova Vulgata 27,31Et radent super te calvitium et accingentur ciliciis et plorabunt te in amaritudine animae ploratu amarissimo;
Nova Vulgata 27,32et assument super te congementes carmen lugubre et plangent te: “Quae est ut Tyrus, quae obmutuit in medio maris?
Nova Vulgata 27,33Cum venissent merces tuae de mari, satiasti populos multos; in multitudine divitiarum tuarum et mercium tuarum ditasti reges terrae.
Nova Vulgata 27,34Nunc contrita es a mari in profundis aquarum. Opes tuae et omnis multitudo tua, quae erat in medio tui, ceciderunt.
Nova Vulgata 27,35Universi habitatores insularum obstupuerunt super te, et reges earum horrore formidarunt vultu conturbato;
Nova Vulgata 27,36negotiatores in populis sibilaverunt super te. In horrorem facta es et non eris usque in perpetuum”».