Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
BibbiaEDU-logo

Nova Vulgata - Vetus Testamentum - Ezechielis - 47

Ezechielis

Nova Vulgata Torna al libro

NT greco

Nova Vulgata 47 47,1Et convertit me ad portam domus, et ecce aquae egre diebantur subter limen domus ad orientem; facies enim domus respiciebat ad orientem, aquae autem descendebant a latere templi dextro a meridie altaris.
Nova Vulgata 47,2Et eduxit me per viam portae aquilonis et convertit me ad viam foras ad portam exteriorem, quae respiciebat ad orientem; et ecce aquae exeuntes a latere dextro.
Nova Vulgata 47,3Cum egrederetur vir ad orientem, qui habebat funiculum in manu sua, mensus est mille cubitos et traduxit me per aquam usque ad talos.
Nova Vulgata 47,4Rursumque mensus est mille et traduxit me per aquam usque ad genua.
Nova Vulgata 47,5Et mensus est mille et traduxit me per aquam usque ad renes. Et mensus est mille; torrens, quem non potui pertransire, quoniam intumuerant aquae, aquae ad natandum; torrens, qui non poterat transvadari.
Nova Vulgata 47,6Et dixit ad me: «Certe vidisti, fili hominis»; et duxit me et convertit ad ripam torrentis.
Nova Vulgata 47,7Cumque me convertissem, ecce in ripa torrentis ligna multa nimis ex utraque parte;
Nova Vulgata et ait ad me: «Aquae istae, quae egrediuntur ad regionem orientalem et descendunt ad Arabam, intrabunt mare, aquas salsas, et sanabuntur aquae:
8 Aquas – Lege cum Gr et Syr hammajim; TM «mare»
Salsas – Lege cum Gr (marg) haḥămûṣîm; TM «emissae»
Nova Vulgata 47,9et omnis anima vivens, quae movetur, quocumque venerit torrens, vivet, et erunt pisces multi satis, postquam venerint illuc aquae istae, et sanabuntur et vivent omnia, ad quae venerit torrens.
Nova Vulgata 47,10Et stabunt super mare piscatores; ab Engaddi usque ad Engallim siccatio sagenarum erit; plurimae species erunt piscium eius, sicut pisces maris Magni, multitudinis nimiae.
Nova Vulgata 47,11Palustria autem eius et stagna non sanabuntur, quia in salinas dabuntur.
Nova Vulgata 47,12Et super torrentem orietur in ripis eius ex utraque parte omne lignum pomiferum; non defluet folium ex eo, et non deficiet fructus eius: per singulos menses afferet primitiva, quia aquae eius de sanctuario egredientur, et erunt fructus eius in cibum, et folia eius ad medicinam.
Nova Vulgata
Haec dicit Dominus Deus: Hic est terminus, in quo possidebitis terram in duodecim tribubus Israel, quia Ioseph duplicem funiculum habet;
13 Hic – Lege cum Gr, Targ et Vg zeh; TM gēh (?)
Duplicem funiculum – Lege cum Targ et Vg ḥablajim; TM «funiculos»
Nova Vulgata 47,14possidebitis autem eam, singuli aeque ut frater suus, super quam levavi manum meam, ut darem patribus vestris; et cadet terra haec vobis in possessionem.
Nova Vulgata Hic est autem terminus terrae: ad plagam septentrionalem a mari Magno via Hethalon ad introitum Emath,
15 Emath – Transpone cum Gr huc (cfr. 48,1; Nm 34,8); TM «Sadada»
Nova Vulgata Sedada, Berotha, Sabarim, quae est inter terminum Damasci et confinium Emath, usque ad Asarenon, quae est iuxta terminum Auran;
16 Sedada – Transpone cum Gr huc (cfr. Nm 34,8); TM «Emath»
Asarenon – Lege hăsar ‛ênôn (cfr. Gr et v. 17: Nm 34,9); TM «Aser medium»
Nova Vulgata erit ergo terminus a mari usque ad Asarenon, cum fines Damasci et fines Emath sint in aquilone; haec est plaga septentrionalis.
17 Haec – Lege zo’t; TM (particula accusativi)
Nova Vulgata Porro plaga orientalis de loco inter Auran et inter Damascum et in medio inter Galaad et terram Israel, Iordanis disterminans usque ad mare orientale, usque Thamar; haec est plaga orientalis.
18 Usque Thamar – Lege cum Gr et Syr tāmārāh (cfr. v. 19; 48,28); TM «metiemini»
Haec – Lege cum paucis mss Hebraicis, Gr et Syr zo’t; TM (particula accusativi)
Nova Vulgata Plaga autem australis meridiana a Thamar usque ad aquas Meribathcades et torrentem usque ad mare Magnum; haec est plaga ad meridiem australis.
19 Haec – Lege cum paucis mss Hebraicis, Gr et Syr zo’t; TM (particula accusativi)
Nova Vulgata 47,20Et plaga maris, mare Magnum a confinio per directum, donec venias Emath; haec est plaga maris.
Nova Vulgata 47,21Et dividetis terram istam vobis per tribus Israel
Nova Vulgata 47,22et mittetis eam in hereditatem, vobis et advenis, qui accesserint ad vos, qui genuerint filios in medio vestrum, et erunt vobis sicut indigenae inter filios Israel: vobiscum divident possessionem in medio tribuum Israel;
Nova Vulgata 47,23in tribu autem quacumque fuerit advena, ibi dabitis possessionem illi, ait Dominus Deus.
Capitolo 46
Capitolo 48