Nova Vulgata2Super custodiam meam stabo et consistam super speculam et contemplabor, ut videam quid dicat mihi et quid respondeat ad querelam meam.
1Respondeat – Lege cum Syr jāšîb (cfr. Targ); TM «respondeam»
Nova Vulgata 2,2Et respondit mihi Dominus et dixit: «Scribe visum et explana eum super tabulas, ut percurrat, qui legerit eum.
Nova Vulgata 2,3Quia adhuc visus ad tempus constitutum, sed anhelat in finem et non mentietur; si moram fecerit, exspecta illum, quia veniens veniet et non tardabit.
Nova VulgataEcce languidus, in quo non est anima recta; iustus autem in fide sua vivet».
4Languidus – Lege ’ullepheh (cfr. Gr et Ez 31,15); TM «tumida» (scl. anima)
Nova Vulgata Et profecto divitiae decipiunt virum superbum, et non perveniet ad finem; qui dilatat quasi infernus fauces suas et ipse quasi mors et non adimpletur: et congregat ad se omnes gentes et coacervat ad se omnes populos.
5Divitiae – Lege cum 1QPHab hôn; TM «vinum»
Nova Vulgata Numquid non omnes isti super eum parabolam sument et loquelam aenigmatum dicentes: «Vae ei, qui multiplicat non sua — usquequo? — et aggravat pignora super se!».
6Dicentes – Lege cum 1QPHab wejō’merû; TM «et dicit»
Nova Vulgata 2,7Numquid non repente consurgent, qui mordeant te, et evigilabunt agitantes te, et eris in rapinam eis?
Nova Vulgata 2,8Quia tu spoliasti gentes multas, spoliabunt te omnes, qui reliqui fuerint de populis; propter sanguinem hominum et oppressionem terrae, civitatum et omnium habitantium in eis.
Nova Vulgata 2,9Vae, qui congregat lucrum iniustum in malum domui suae, ut ponat in excelso nidum suum et salvet se de manu mali!
Nova Vulgata 2,10Consilium cepisti in confusionem domui tuae concidendi populos multos et peccasti in animam tuam.
Nova Vulgata 2,11Quia lapis de pariete clamabit, et trabes de contignatione respondebit ei.
Nova Vulgata 2,12Vae, qui aedificat civitatem in sanguinibus et condit urbem in iniquitate!
Nova Vulgata Numquid non haec a Domino sunt exercituum, ut laborent populi pro igne, et gentes in vacuum fatigentur?
13Haec – Lege cum Gr, Syr et Vg hēnnāh; TM «ecce»
Nova Vulgata 2,14Quia replebitur terra cognitione gloriae Domini, sicut aquae operiunt mare.
Nova Vulgata Vae, qui potum dat amico suo mittens venenum suum et inebrians eum, ut aspiciat nuditatem eius!
15Venenum suum – Lege cum 1QPHab et Vg ḥămātô; TM «venenum tuum»
Nova Vulgata 2,16Repleris ignominia pro gloria; bibe tu quoque et denudare! Transibit ad te calix dexterae Domini, et veniet ignominia super gloriam tuam.
Nova Vulgata Quia vastitas Libani operiet te, et miseria animalium deterrebit te propter sanguinem hominum et oppressionem terrae, civitatum et omnium habitantium in eis.
17Deterrebit te – Lege cum Gr, Syr et Targ jehittekā; TM «deterrebit ea»
Nova Vulgata 2,18Quid prodest sculptile, quia sculpsit illud fictor suus; conflatile et oraculum mendax, quia speravit in figmento fictor eius, ut faceret simulacra muta?
Nova Vulgata 2,19Vae, qui dicit ligno: «Expergiscere!», «Surge!» lapidi tacenti! Numquid ipse docere poterit? Ecce iste coopertus est auro et argento, et omnis spiritus non est in visceribus eius.
Nova Vulgata 2,20Dominus autem in templo sancto suo; sileat a facie eius omnis terra.