Nova Vulgata33,1Et erit post haec: effundam spiritum meum super omnem carnem, et prophetabunt filii vestri et filiae vestrae, senes vestri somnia somniabunt, et iuvenes vestri visiones videbunt;
Nova Vulgata 3,2sed et super servos meos et ancillas in diebus illis effundam spiritum meum.
Nova Vulgata 3,3Et dabo prodigia in caelo et in terra, sanguinem et ignem et columnas fumi;
Nova Vulgata 3,4sol convertetur in tenebras, et luna in sanguinem, antequam veniat dies Domini magnus et horribilis.
Nova Vulgata 3,5Et erit: omnis, qui invocaverit nomen Domini, salvus erit, quia in monte Sion et in Ierusalem erit salvatio, sicut dixit Dominus, et in residuis, quos Dominus vocaverit.