Nova Vulgata23Oraculum Tyri. Ululate, naves Tharsis, quia vastatum est refugium vestrum; cum redirent de terra Cetthim, revelatum est eis.
1Refugium vestrum – Lege mā‛uzzeken; TM «a (vel sine) domo»
Nova Vulgata 23,2Obstupescite, qui habitatis in insula; negotiatores Sidonis transfretantes mare repleverunt te.
Nova Vulgata 23,3In aquis multis semen Nili, messis fluminis fruges eius; et facta est negotiatio gentium.
Nova Vulgata 23,4Erubesce, Sidon, ait enim mare, fortitudo maris, dicens: «Non parturivi et non peperi; et non enutrivi iuvenes, nec virgines educavi».
Nova Vulgata 23,5Cum auditum fuerit in Aegypto, dolebunt cum audierint de Tyro.
Nova Vulgata 23,6Transite ad Tharsis, ululate, qui habitatis in insula.
Nova Vulgata 23,7Estne vestra haec, quae gloriabatur? A diebus pristinis antiquitas eius. Ducebant eam pedes sui longe ad peregrinandum.
Nova Vulgata 23,8Quis cogitavit hoc super Tyrum quondam coronatam, cuius negotiatores principes, institores eius incliti terrae?
Nova Vulgata 23,9Dominus exercituum cogitavit hoc, ut detraheret superbiam omnis gloriae et viles faceret universos inclitos terrae.
Nova Vulgata Excole terram tuam sicut litus Nili, filia Tharsis, iam non est portus.
10Excole – Lege cum 1QIsa, Gr et VL ‛ibedî; TM «transi»
10Portus – Lege māḥōz (cfr. Ps 107,30); TM «cingulum»
Nova Vulgata 23,11Manum suam extendit super mare, conturbavit regna. Dominus mandavit adversus Chanaan, ut contereret munimenta eius,
Nova Vulgata 23,12et dixit: «Non adicies ultra ut glorieris, violata virgo filia Sidonis; in Cetthim consurgens transfreta: ibi quoque non erit requies tibi».
Nova Vulgata 23,13Ecce terra Chaldaeorum: talis populus non fuit; Assyria fundavit eam pro feris. Erexerunt turres suas; suffoderunt domos eius, posuerunt eam in ruinam.
Nova Vulgata 23,14Ululate, naves Tharsis, quia devastatum est praesidium vestrum.
Nova Vulgata 23,15Et erit in die illa: in oblivione erit Tyrus septuaginta annis, sicut dies regis unius. Post septuaginta autem annos erit Tyro iuxta canticum meretricis:
Nova Vulgata 23,16«Sume citharam, circui civitatem, meretrix oblivioni tradita; bene cane, frequenta canticum, ut memoria tui sit».
Nova Vulgata 23,17Et erit: post septuaginta annos visitabit Dominus Tyrum, et redibit ad mercedes suas et rursum fornicabitur cum universis regnis terrae super faciem terrae.
Nova Vulgata23,18Et erunt negotiatio eius et merces eius sanctificatae Domino; non condentur neque reponentur, quia his, qui habitaverint coram Domino, erit negotiatio eius, ut manducent in saturitate et vestiantur splendide.