Nova Vulgata2424,1Ecce Dominus dissipat terram et frangit eam et conturbat faciem eius et dispergit habitatores eius.
Nova Vulgata 24,2Et erit sicut populus sic sacerdos, et sicut servus sic dominus eius, sicut ancilla sic domina eius, sicut emens sic ille qui vendit, sicut fenerator sic is qui mutuum accipit, sicut qui repetit sic qui debet.
Nova Vulgata 24,3Dissipatione dissipabitur terra et direptione praedabitur: Dominus enim locutus est verbum hoc.
Nova Vulgata Luget, languet terra, marcescit, languet orbis, marcescit altitudo simul cum terra.
4Altitudo simul cum – Lege (cfr. vv. 18 et 21) mārôm ‛im; TM «altitudo populi (terrae)»
Nova Vulgata 24,5Et terra infecta est sub habitatoribus suis, quia transgressi sunt leges, violaverunt mandatum, dissipaverunt foedus sempiternum.
Nova Vulgata 24,6Propter hoc maledictio voravit terram, et poenas exsolverunt habitatores eius; ideoque imminuti sunt cultores eius, et relicti sunt homines pauci.
Nova Vulgata 24,7Luget mustum, emarcuit vitis, ingemiscunt omnes, qui laetabantur corde.
Nova Vulgata 24,9cum cantico non bibent vinum, amara erit potio bibentibus illam.
Nova Vulgata 24,10Attrita est civitas inanitatis, clausa est omnis domus, ut nemo introeat;
Nova Vulgata 24,11clamor est super vino in plateis, occidit omnis laetitia, translatum est gaudium terrae.
Nova Vulgata 24,12Relicta est in urbe solitudo, et in ruinam confracta est porta;
Nova Vulgata 24,13quia haec erunt in medio terrae, in medio populorum, quomodo si olivae excutiantur, et finita vindemia colligantur racemi.
Nova Vulgata 24,14Hi levabunt vocem suam, laudabunt maiestatem Domini, hinnient de mari.
Nova Vulgata 24,15Propter hoc in regionibus lucis glorificate Dominum, in insulis maris nomen Domini, Dei Israel
Nova Vulgata 24,16A finibus terrae laudes audivimus: «Gloria iusto». Et dixi: «Secretum meum mihi, secretum meum mihi. Vae mihi!». Praevaricantes praevaricati sunt et praevaricatione praevaricantium praevaricati sunt.
Nova Vulgata 24,17Formido et fovea et laqueus super te, habitator terrae.
Nova Vulgata 24,18Et erit: qui fugerit a voce formidinis, cadet in foveam; et, qui ascenderit de fovea, tenebitur laqueo, quia cataractae de excelsis apertae sunt, et concussa sunt fundamenta terrae.
Nova Vulgata 24,19Confractione confracta est terra, contritione contrita est terra, commotione commota est terra,
Nova Vulgata 24,20agitatione agitabitur terra sicut ebrius et fluctuabit quasi tabernaculum; et gravis erit super eam iniquitas eius, et corruet et non adiciet ut resurgat.
Nova Vulgata 24,21Et erit in die illa: visitabit Dominus super militiam caeli in excelso et super reges terrae super terram;
Nova Vulgata 24,22et congregabuntur et vincientur in lacu et claudentur in carcere; et post multos dies visitabuntur.
Nova Vulgata Et erubescet luna, et confundetur sol, quia regnavit Dominus exercituum in monte Sion et in Ierusalem et in conspectu senum suorum glorificabitur.
23Glorificabitur – Lege cum Gr, Syr et Vg jikkābēd; TM «gloria»