Nova Vulgata3535,1Laetentur deserta et invia, et exsultet solitudo et floreat quasi lilium.
Nova Vulgata 35,2Germinet et exsultet laetabunda et laudans. Gloria Libani data est ei, decor Carmeli et Saron; ipsi videbunt gloriam Domini, maiestatem Dei nostri.
Nova Vulgata 35,3Confortate manus dissolutas et genua debilia roborate.
Nova Vulgata 35,4Dicite pusillanimis: «Confortamini, nolite timere! Ecce Deus vester, ultio veniet, retributio Dei; ipse veniet et salvabit vos».
Nova Vulgata 35,5Tunc aperientur oculi caecorum, et aures surdorum patebunt.
Nova Vulgata 35,6Tunc saliet sicut cervus claudus, et exsultabit lingua mutorum, quia erumpent in deserto aquae, et torrentes in solitudine.
Nova Vulgata 35,7Et terra arida erit in stagnum, et sitiens in fontes aquarum; in cubilibus, in quibus dracones habitabant, erit locus calami et iunci.
Nova Vulgata 35,8Et erit ibi semita et via; et via sancta vocabitur: non transibit per eam pollutus; et erit eis directa via, ita ut stulti non errent per eam.
Nova Vulgata 35,9Non erit ibi leo, et rapax bestia non ascendet per eam nec invenietur ibi; et ambulabunt, qui liberati fuerint,
Nova Vulgata 35,10et redempti a Domino revertentur. Et venient in Sion cum laude, et laetitia sempiterna super caput eorum: gaudium et laetitiam obtinebunt, et fugiet maeror et gemitus.