Nova Vulgata3838,1In diebus illis aegrotavit Ezechias usque ad mortem. Et introivit ad eum Isaias filius Amos propheta et dixit ei: «Haec dicit Dominus: Dispone domui tuae, quia morieris tu et non vives».
Nova Vulgata38,2Et convertit Ezechias faciem suam ad parietem et oravit ad Dominum
Nova Vulgata38,3et dixit: «Obsecro, Domine; memento, quaeso, quomodo ambulaverim coram te in veritate et in corde perfecto et, quod bonum est in oculis tuis, fecerim». Et flevit Ezechias fletu magno.
Nova Vulgata38,4Et factum est verbum Domini ad Isaiam dicens:
Nova Vulgata38,5«Vade et dic Ezechiae: “Haec dicit Dominus, Deus David patris tui: Audivi orationem tuam, vidi lacrimas tuas; ecce ego adiciam super dies tuos quindecim annos
Nova Vulgata38,6et de manu regis Assyriorum eruam te et civitatem istam et protegam hanc civitatem”.
Nova Vulgata38,7Hoc autem tibi erit signum a Domino quia faciet Dominus verbum hoc, quod locutus est:
Nova Vulgata38,8Ecce ego reverti faciam umbram graduum, per quos descenderat in horologio Achaz in sole retrorsum decem gradibus». Et reversus est sol decem gradibus per gradus, quos descenderat.
Nova Vulgata 38,9Scriptura Ezechiae regis Iudae, cum aegrotasset et convaluisset de infirmitate sua:
Nova Vulgata 38,10«Ego dixi: In dimidio dierum meorum vadam ad portas inferi; quaesivi residuum annorum meorum.
Nova Vulgata Dixi: Non videbo Dominum Deum in terra viventium, non aspiciam hominem ultra inter habitatores orbis.
11Orbis – Lege cum nonnullis mss Hebraicis ḥāled; TM «quietis»
Nova Vulgata Habitaculum meum ablatum est et abductum longe a me quasi tabernaculum pastorum; convolvit sicut textor vitam meam; de stamine succidit me. De mane usque ad vesperam confecisti me.
12Pastorum – Lege cum Targ, Syr, Sym et Vg rō‛îm; TM «pastorus mei»
Nova Vulgata 38,13Prostratus sum usque ad mane, quasi leo sic conterit omnia ossa mea; de mane usque ad vesperam confecisti me.
Nova Vulgata 38,14Sicut pullus hirundinis, sic mussitabo, meditabor ut columba; attenuati sunt oculi mei suspicientes in excelsum. Domine, vim patior, sponde pro me.
Nova Vulgata 38,15Quid dicam, aut quid respondebit mihi? Ipse fecit! Incedam per omnes annos meos in amaritudine animae meae.
Nova Vulgata Domine, in te sperat cor meum; vivat spiritus meus, sana me et vivifica me;
16TM, corruptus, ad verbum dicit: «Domine super eos, vivent et unicuique in eis vita spiritus mei; sanum me reddes et vivifica me». Lege ’ădōnāj‛ālêkā mejaḥēl libbî; haḥ ălîmênî wehaḥăjenî
Nova Vulgata ecce in pacem versa est amaritudo mea. Tu autem eruisti animam meam a fovea consumptionis, proiecisti enim post tergum tuum omnia peccata mea.
17Eruisti – Lege cum Gr et Vg ḥaśaktā; TM «adhaesisti»
Nova Vulgata 38,18Quia non infernus confitebitur tibi, neque mors laudabit te; non exspectabunt, qui descendunt in lacum, veritatem tuam.
Nova Vulgata 38,19Vivens, vivens ipse confitebitur tibi, sicut et ego hodie; pater filiis notam faciet veritatem tuam.
Nova Vulgata 38,20Domine, salvum me fac, et ad sonum citharae cantabimus cunctis diebus vitae nostrae in domo Domini».
Nova Vulgata 38,21Et iussit Isaias, ut tollerent massam de ficis et cataplasmarent super vulnus, et sanaretur.
Nova Vulgata38,22Et dixit Ezechias: «Quod erit signum quia ascendam in domum Domini?».