Nova Vulgata1313,1Ibi locutus est Dominus ad Moysen dicens:
Nova Vulgata13,2«Mitte viros, qui considerent terram Chanaan, quam daturus sum filiis Israel, singulos de singulis tribubus ex principibus».
Nova Vulgata 13,3Fecit Moyses quod Dominus imperaverat, de deserto Pharan mittens principes viros, quorum ista sunt nomina:
Nova Vulgata13,4de tribu Ruben Sammua filium Zacchur,
Nova Vulgata13,5de tribu Simeon Saphat filium Hori,
Nova Vulgata13,6de tribu Iudae Chaleb filium Iephonne,
Nova Vulgata13,7de tribu Issachar Igal filium Ioseph,
Nova Vulgata13,8de tribu Ephraim Osee filium Nun,
Nova Vulgata13,9de tribu Beniamin Phalti filium Raphu,
Nova Vulgata13,10de tribu Zabulon Geddiel filium Sodi,
Nova Vulgata13,11de tribu Ioseph, tribu Manasse, Gaddi filium Susi,
Nova Vulgata13,12de tribu Dan Ammiel filium Gemalli,
Nova Vulgata13,13de tribu Aser Sthur filium Michael,
Nova Vulgata 13,14de tribu Nephthali Nahabi filium Vaphsi,
Nova Vulgata13,15de tribu Gad Guel filium Machi.
Nova Vulgata 13,16Haec sunt nomina virorum, quos misit Moyses ad considerandam terram. Vocavitque Osee filium Nun Iosue.
Nova Vulgata 13,17Misit ergo eos Moyses ad considerandam terram Chanaan et dixit ad eos: «Ascendite per Nageb. Cumque veneritis ad montes,
Nova Vulgata13,18considerate terram, qualis sit, et populum, qui habitator est eius, utrum fortis sit an infirmus, si pauci numero an plures;
Nova Vulgata13,19ipsa terra bona an mala, urbes quales, absque muris an muratae;
Nova Vulgata13,20humus pinguis an sterilis, nemorosa an absque arboribus. Confortamini et afferte nobis de fructibus terrae». Erat autem tempus, quando iam praecoquae uvae vesci possunt.
Nova Vulgata 13,21Cumque ascendissent, exploraverunt terram a deserto Sin usque Rohob in introitu Emath.
Nova Vulgata13,22Ascenderuntque ad Nageb et venerunt in Hebron, ubi erant Ahiman et Sesai et Tholmai filii Enac. Nam Hebron septem annis ante Tanim urbem Aegypti condita est.
Nova Vulgata13,23Pergentesque usque ad Nehelescol absciderunt palmitem cum uva sua, quem portaverunt in vecte duo viri. De malis quoque granatis et de ficis loci illius tulerunt,
Nova Vulgata13,24qui appellatus est Nehelescol, eo quod botrum portassent inde filii Israel.
Nova Vulgata 13,25Reversique exploratores terrae post quadraginta dies, omni regione circuita,
Nova Vulgata13,26venerunt ad Moysen et Aaron et ad omnem coetum filiorum Israel in desertum Pharan, quod est in Cades. Locutique eis et omni congregationi ostenderunt fructus terrae
Nova Vulgata13,27et narraverunt dicentes: «Venimus in terram, ad quam misisti nos, quae re vera fluit lacte et melle, ut ex his fructibus cognosci potest.
Nova Vulgata13,28Sed cultores fortissimos habet et urbes grandes atque muratas. Stirpem Enac vidimus ibi;
Nova Vulgata13,29Amalec habitat in Nageb, Hetthaeus et Iebusaeus et Amorraeus in montanis, Chananaeus vero moratur iuxta mare et circa fluenta Iordanis».
Nova Vulgata 13,30Inter haec Chaleb compescens murmur populi, qui oriebatur contra Moysen, ait: «Ascendamus et possideamus terram, quoniam poterimus obtinere eam».
Nova Vulgata13,31Alii vero, qui fuerant cum eo, dicebant: «Nequaquam ad hunc populum valemus ascendere, quia fortior nobis est».
Nova Vulgata13,32Detraxeruntque terrae, quam inspexerant, apud filios Israel dicentes: «Terra, quam lustravimus, devorat habitatores suos; populus, quem aspeximus, procerae staturae est;
Nova Vulgata13,33ibi vidimus gigantes, filios Enac de genere giganteo, quibus comparati quasi locustae videbamur».
