Nova Vulgata2626,1Post hanc plagam dixit Dominus ad Moysen et Eleazarum filium Aaron sacerdotem:
Nova Vulgata26,2«Numerate summam totius congregationis filiorum Israel a viginti annis et supra per domos et cognationes suas, cunctos, qui possunt ad bella procedere».
Nova VulgataLocuti sunt itaque Moyses et Eleazar sacerdos in campestribus Moab super Iordanem contra Iericho ad eos, qui erant
3Locuti sunt - Lege cum Vg wajedabberû; TM «locutus est»
Nova Vulgata26,4a viginti annis et supra, sicut Dominus imperaverat Moysi. Filiorum Israel, qui egressi sunt de terra Aegypti, iste est numerus.
Nova Vulgata 26,5Ruben primogenitus Israel. Huius filius Henoch, a quo familia Henochitarum, et Phallu, a quo familia Phalluitarum,
Nova Vulgata26,6et Hesron, a quo familia Hesronitarum, et Charmi, a quo familia Charmitarum.
Nova Vulgata26,7Hae sunt familiae de stirpe Ruben, quarum numerus inventus est quadraginta tria milia et septingenti triginta.
Nova Vulgata26,8Filius Phallu: Eliab.
Nova Vulgata26,9Huius filii: Namuel et Dathan et Abiram. Isti sunt Dathan et Abiram principes populi, qui surrexerunt contra Moysen et Aaron in seditione Core, quando adversus Dominum rebellaverunt,
Nova Vulgata26,10et aperiens terra os suum devoravit eos et Core, morientibus plurimis, quando combussit ignis ducentos quinquaginta viros; et facti sunt in signum.
Nova Vulgata26,11Core pereunte, filii illius non perierunt.
Nova Vulgata 26,12Filii Simeon per cognationes suas: Namuel, ab hoc familia Namuelitarum; Iamin, ab hoc familia Iaminitarum; Iachin, ab hoc familia Iachinitarum;
Nova Vulgata26,13Zara, ab hoc familia Zaraitarum; Saul, ab hoc familia Saulitarum.
Nova Vulgata26,14Hae sunt familiae de stirpe Simeon, quarum omnis numerus fuit viginti duo milia ducenti.
Nova Vulgata 26,15Filii Gad per cognationes suas: Sephon, ab hoc familia Sephonitarum; Haggi, ab hoc familia Haggitarum; Suni, ab hoc familia Sunitarum;
Nova Vulgata26,16Ozni, ab hoc familia Oznitarum; Heri, ab hoc familia Heritarum;
Nova Vulgata26,17Arodi, ab hoc familia Aroditarum; Areli, ab hoc familia Arelitarum.
Nova Vulgata26,18Istae sunt familiae Gad, quarum omnis numerus fuit quadraginta milia quingenti.
Nova Vulgata 26,19Filii Iudae Her et Onan, qui ambo mortui sunt in terra Chanaan.
Nova Vulgata26,20Fueruntque filii Iudae per cognationes suas: Sela, a quo familia Selanitarum; Phares, a quo familia Pharesitarum; Zara, a quo familia Zaraitarum.
Nova Vulgata26,21Porro filii Phares: Esrom, a quo familia Esromitarum; et Hamul, a quo familia Hamulitarum.
Nova Vulgata26,22Istae sunt familiae Iudae, quarum omnis numerus fuit septuaginta sex milia quingenti.
Nova Vulgata 26,23Filii Issachar per cognationes suas: Thola, a quo familia Tholaitarum; Phua, a quo familia Phuaitarum;
Nova Vulgata26,24Iasub, a quo familia Iasubitarum; Semron, a quo familia Semronitarum.
Nova Vulgata26,25Hae sunt cognationes Issachar, quarum numerus fuit sexaginta quattuor milia trecenti.
Nova Vulgata 26,26Filii Zabulon per cognationes suas: Sared, a quo familia Sareditarum; Elon, a quo familia Elonitarum; Iahelel, a quo familia Iahelelitarum.
Nova Vulgata26,27Hae sunt cognationes Zabulon, quarum numerus fuit sexaginta milia quingenti.
Nova Vulgata 26,28Filii Ioseph per cognationes suas: Manasse et Ephraim.
Nova Vulgata26,29De Manasse ortus est Machir, a quo familia Machiritarum; Machir genuit Galaad, a quo familia Galaaditarum.
Nova Vulgata26,30Galaad habuit filios: Iezer, a quo familia Iezeritarum; et Helec, a quo familia Helecitarum;
Nova Vulgata26,31et Asriel, a quo familia Asrielitarum; et Sechem, a quo familia Sechemitarum;
Nova Vulgata26,32et Semida, a quo familia Semidaitarum; et Hepher, a quo familia Hepheritarum.
Nova Vulgata26,33Fuit autem Hepher pater Salphaad, qui filios non habebat sed tantum filias, quarum ista sunt nomina: Maala et Noa et Hegla et Melcha et Thersa.
Nova Vulgata26,34Hae sunt familiae Manasse, et numerus earum quinquaginta duo milia septingenti.
Nova Vulgata 26,35Filii autem Ephraim per cognationes suas fuerunt hi: Suthala, a quo familia Suthalaitarum; Becher, a quo familia Becheritarum; Thehen, a quo familia Thehenitarum.
Nova Vulgata26,36Porro filius Suthala fuit Heran, a quo familia Heranitarum.
Nova Vulgata26,37Hae sunt cognationes filiorum Ephraim, quarum numerus fuit triginta duo milia quingenti. Isti sunt filii Ioseph per familias suas.
Nova Vulgata 26,38Filii Beniamin in cognationibus suis: Bela, a quo familia Belaitarum; Asbel, a quo familia Asbelitarum; Ahiram, a quo familia Ahiramitarum;
Nova VulgataSupham, a quo familia Suphamitarum; Hupham, a quo familia Huphamitarum.
39Supham - Lege cum paucis mss Hebraicis, Gr, Sam, Syr, Targ et Vg lešûphām; TM «sephupham»
Nova VulgataFilii Bela: Ared et Naaman; de Ared familia Areditarum, de Naaman familia Naamanitarum.
40De Ared - Lege cum Sam, Gr0rig et Vg le’arde; TM omittit
Nova Vulgata26,41Hi sunt filii Beniamin per cognationes suas, quorum numerus fuit quadraginta quinque milia sescenti.
Nova Vulgata 26,42Filii Dan per cognationes suas: Suham, a quo familia Suhamitarum. Hae sunt cognationes Dan per familias suas:
Nova Vulgata26,43omnes fuere Suhamitae, quorum numerus erat sexaginta quattuor milia quadringenti.
Nova Vulgata 26,44Filii Aser per cognationes suas: Iemna, a quo familia Iemnaitarum; Isui, a quo familia Isuitarum; Beria, a quo familia Beriaitarum.
Nova Vulgata26,45Filii Beria: Heber, a quo familia Heberitarum, et Melchiel a quo familia Melchielitarum.
Nova Vulgata26,46Nomen autem filiae Aser fuit Sara.
Nova Vulgata26,47Hae cognationes filiorum Aser, et numerus eorum quinquaginta tria milia quadringenti.
Nova Vulgata 26,48Filii Nephthali per cognationes suas: Iasiel, a quo familia Iasielitarum; Guni, a quo familia Gunitarum;
Nova Vulgata26,49Ieser, a quo familia Ieseritarum; Sellem, a quo familia Sellemitarum.
Nova Vulgata26,50Hae sunt cognationes filiorum Nephthali per familias suas, quorum numerus quadraginta quinque milia quadringenti.
Nova Vulgata 26,51Ista est summa filiorum Israel qui recensiti sunt: sescenta milia et mille septingenti triginta.
Nova Vulgata 26,52Locutusque est Dominus ad Moysen dicens:
Nova Vulgata26,53«Istis dividetur terra iuxta numerum vocabulorum in possessiones suas.
Nova Vulgata26,54Pluribus maiorem partem dabis et paucioribus minorem: singulis, sicut nunc recensiti sunt, tradetur possessio;
Nova Vulgata26,55ita dumtaxat, ut sors terram dividat. Secundum numerum tribuum patrum suorum hereditabunt.
Nova Vulgata26,56Quidquid sorte contigerit, hoc vel plures accipiant vel pauciores.
Nova Vulgata 26,57Hic quoque est numerus filiorum Levi per familias suas: Gerson, a quo familia Gersonitarum; Caath, a quo familia Caathitarum; Merari, a quo familia Meraritarum.
Nova Vulgata26,58Hae sunt familiae Levi: familia Lobni, familia Hebroni, familia Moholi, familia Musi, familia Core. At vero Caath genuit Amram,
Nova Vulgata26,59qui habuit uxorem Iochabed filiam Levi, quae nata est ei in Aegypto. Haec genuit Amram viro suo filios, Aaron et Moysen et Mariam sororem eorum.
Nova Vulgata26,60De Aaron orti sunt Nadab et Abiu et Eleazar et Ithamar,
Nova Vulgata26,61quorum Nadab et Abiu mortui sunt, cum obtulissent ignem alienum coram Domino.
Nova Vulgata 26,62Fueruntque omnes, qui numerati sunt, viginti tria milia generis masculini ab uno mense et supra; quia non sunt recensiti inter filios Israel, nec eis cum ceteris data possessio est.
Nova Vulgata 26,63Hic est numerus filiorum Israel, qui descripti sunt a Moyse et Eleazaro sacerdote in campestribus Moab supra Iordanem contra Iericho;
Nova Vulgata26,64inter quos nullus fuit eorum, qui ante numerati sunt a Moyse et Aaron in deserto Sinai:
Nova Vulgata26,65praedixerat enim Dominus quod omnes morerentur in solitudine; nullusque remansit ex eis, nisi Chaleb filius Iephonne et Iosue filius Nun.