Nova Vulgata3434,1Locutusque est Dominus ad Moysen dicens:
Nova Vulgata34,2«Praecipe filiis Israel et dices ad eos: Cum ingressi fueritis terram hanc Chanaan, et in possessionem vobis sorte ceciderit, his finibus terminabitur.
Nova Vulgata 34,3Pars meridiana incipiet a solitudine Sin, quae est iuxta Edom, et habebit terminos contra orientem mare Salsissimum.
Nova Vulgata34,4Qui circuibunt australem plagam per ascensum Acrabbim (id est Scorpionum), ita ut transeant in Sin et perveniant ad meridiem Cadesbarne, unde egredientur ad Asaraddar et tendent usque ad Asemona.
Nova Vulgata34,5Ibitque per gyrum terminus ab Asemona usque ad torrentem Aegypti, et maris Magni litore finietur.
Nova Vulgata 34,6Plaga autem occidentalis a mari Magno incipiet et ipso fine claudetur.
Nova Vulgata 34,7Porro ad septentrionalem plagam a mari Magno termini incipient pervenientes usque ad montem Hor,
Nova Vulgata34,8a quo venient in introitum Emath usque ad terminos Sedada.
Nova Vulgata34,9Ibuntque confinia usque ad Zephrona et Asarenon. Hi erunt termini in parte aquilonis.
Nova Vulgata 34,10Inde metabuntur fines contra orientalem plagam de Asarenon usque Sephama;
Nova Vulgata34,11et de Sephama descendent termini in Rebla ad orientem Ain; inde descendent et pervenient ad latus maris Chenereth in oriente
Nova Vulgata34,12et tendent usque ad Iordanem, et ad ultimum Salsissimo claudentur mari. Hanc habebitis terram per fines suos in circuitu».
Nova Vulgata 34,13Praecepitque Moyses filiis Israel dicens: «Haec erit terra, quam possidebitis sorte et quam iussit Dominus dari novem tribubus et dimidiae tribui.
Nova Vulgata34,14Tribus enim filiorum Ruben per familias suas et tribus filiorum Gad iuxta cognationum numerum media quoque tribus Manasse,
Nova Vulgata34,15id est duae semis tribus, acceperunt partem suam trans Iordanem contra Iericho ad orientalem plagam».
Nova Vulgata 34,16Et ait Dominus ad Moysen:
Nova Vulgata«Haec sunt nomina virorum, qui terram vobis divident: Eleazar sacerdos et Iosue filius Nun
17Divident - Lege cum Sam, Gr et Vg jenaḥlû; TM «accipient»
Nova Vulgata34,18et singuli principes de tribubus singulis,
Nova Vulgata34,19quorum ista sunt vocabula: de tribu Iudae Chaleb filius Iephonne;
Nova Vulgata34,20de tribu Simeon Samuel filius Ammiud;
Nova Vulgata34,21de tribu Beniamin Elidad filius Chaselon;
Nova Vulgata34,22de tribu filiorum Dan Bocci filius Iogli.
Nova Vulgata34,23Filiorum Ioseph: de tribu Manasse Hanniel filius Ephod,
Nova Vulgata34,24de tribu Ephraim Camuel filius Sephtan.
Nova Vulgata34,25De tribu Zabulon Elisaphan filius Pharnach;
Nova Vulgata34,26de tribu Issachar dux Phaltiel filius Ozan;
Nova Vulgata34,27de tribu Aser Ahiud filius Salomi;
Nova Vulgata34,28de tribu Nephthali Phedael filius Ammiud».
Nova Vulgata 34,29Hi sunt, quibus praecepit Dominus, ut dividerent filiis Israel terram Chanaan.
