Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
BibbiaEDU-logo

Nova Vulgata - Vetus Testamentum - Numeri - 6

Numeri

Nova Vulgata Torna al libro

NT greco

Nova Vulgata 6 6,1Locutusque est Dominus ad Moysen dicens:
Nova Vulgata 6,2«Loquere ad filios Israel et dices ad eos: Vir sive mulier cum fecerint votum, ut sanctificentur et se voluerint Domino consecrare,
Nova Vulgata 6,3a vino et omni quod inebriare potest abstinebunt; acetum ex vino et ex qualibet alia potione et, quidquid de uva exprimitur, non bibent; uvas recentes siccasque non comedent
Nova Vulgata 6,4cunctis diebus, quibus ex voto Domino consecrantur: quidquid ex vinea esse potest ab uva acerba usque ad pellicula non comedent.
Nova Vulgata 6,5Omni tempore separationis suae novacula non transibit per caput eius usque ad completum tempus, quo Domino consecratur; sanctus erit crescente caesarie capitis eius.
Nova Vulgata 6,6Omni tempore consecrationis suae ad mortuum non ingredietur;
Nova Vulgata 6,7nec super patris quidem et matris et fratris sororisque funere contaminabitur, quia consecratio Dei sui super caput eius est.
Nova Vulgata 6,8Omnibus diebus separationis suae sanctus erit Domino.
Nova Vulgata
6,9Sin autem mortuus fuerit subito quispiam coram eo, polluetur caput consecrationis eius; quod radet ilico in eadem die purgationis suae, id est die septima.
Nova Vulgata 6,10In octava autem die offeret duos turtures vel duos pullos columbae sacerdoti in introitu tabernaculi conventus,
Nova Vulgata 6,11facietque sacerdos unum pro peccato et alterum in holocaustum et expiabit pro eo, quia peccavit super mortuo, sanctificabitque caput eius in die illo
Nova Vulgata 6,12et consecrabit Domino dies separationis suae offerens agnum anniculum pro delicto; ita tamen, ut dies priores irriti fiant, quoniam polluta est consecratio eius.
Nova Vulgata
6,13Ista est lex consecrationis, cum dies, quos ex voto decreverat, complebuntur: adducent eum ad ostium tabernaculi conventus,
Nova Vulgata 6,14et offeret oblationem suam Domino agnum anniculum immaculatum in holocaustum et ovem anniculam immaculatam pro peccato et arietem immaculatum hostiam pacificam,
Nova Vulgata 6,15canistrum quoque panum azymorum, qui permixti sint oleo, et lagana absque fermento uncta oleo ac oblationem et libamina singulorum.
Nova Vulgata 6,16Quae offeret sacerdos coram Domino et faciet tam pro peccato quam in holocaustum;
Nova Vulgata 6,17arietem vero immolabit hostiam pacificam Domino offerens simul canistrum azymorum; facietque oblationem eius et libamenta.
Nova Vulgata 6,18Tunc radet nazaraeus ante ostium tabernaculi conventus caesariem consecrationis suae tolletque capillos suos et ponet super ignem, qui est suppositus sacrificio pacificorum,
Nova Vulgata 6,19et sumet sacerdos armum coctum arietis tortamque absque fermento unam de canistro et laganum azymum unum et tradet in manus nazaraei, postquam rasum fuerit caput eius;
Nova Vulgata 6,20et agitabit in conspectu Domini, et sanctificata sacerdotis erunt sicut pectusculum, quod agitari, et femur, quod praelevari iussum est. Post haec potest bibere nazaraeus vinum».
Nova Vulgata
6,21Ista est lex nazaraei, cum voverit oblationem suam Domino tempore consecrationis suae, exceptis his, quae invenerit manus eius. Iuxta quod devoverat, ita faciet secundum legem consecrationis suae.
Nova Vulgata
6,22Locutusque est Dominus ad Moysen dicens:
Nova Vulgata 6,23«Loquere Aaron et filiis eius: Sic benedicetis filiis Israel et dicetis eis:
Nova Vulgata
6,24“Benedicat tibi Dominus et custodiat te!
Nova Vulgata
6,25Illuminet Dominus faciem suam super te et misereatur tui!
Nova Vulgata
6,26Convertat Dominus vultum suum ad te et det tibi pacem!”.
Nova Vulgata
6,27Invocabuntque nomen meum super filios Israel, et ego benedicam eis». 
Capitolo 5
Capitolo 7