Nova Vulgata99,1Locutus est Dominus ad Moysen in deserto Sinai anno secundo, postquam egressi sunt de terra Aegypti, mense primo dicens:
Nova Vulgata9,2«Faciant filii Israel Pascha in tempore suo
Nova Vulgata9,3quarta decima die mensis huius ad vesperam iuxta omnia praecepta et iustificationes eius».
Nova Vulgata9,4Praecepitque Moyses filiis Israel, ut facerent Pascha.
Nova Vulgata9,5Qui fecerunt tempore suo quarta decima die mensis ad vesperam in deserto Sinai; iuxta omnia, quae mandaverat Dominus Moysi, fecerunt filii Israel.
Nova Vulgata 9,6Ecce autem quidam immundi super animam hominis, qui non poterant facere Pascha in die illo, accedentes ad Moysen et Aaron
Nova Vulgata9,7dixerunt ei: «Immundi sumus super animam hominis; quare fraudamur, ut non valeamus oblationem offerre Domino in tempore suo inter filios Israel?».
Nova Vulgata9,8Quibus respondit Moyses: «State, ut consulam quid praecipiat Dominus de vobis».
Nova Vulgata 9,9Locutusque est Dominus ad Moysen dicens:
Nova Vulgata9,10«Loquere filiis Israel: Homo, qui fuerit immundus super anima, sive in via procul in gente vestra, faciat Pascha Domino
Nova Vulgata9,11in mense secundo quarta decima die mensis ad vesperam; cum azymis et lactucis agrestibus comedent illud,
Nova Vulgata9,12non relinquent ex eo quippiam usque mane et os eius non confringent: omnem ritum Pascha observabunt.
Nova Vulgata 9,13Si quis autem et mundus est et in itinere non fuit et tamen non fecit Pascha, exterminabitur anima illa de populis suis, quia sacrificium Domino non obtulit tempore suo: peccatum suum ipse portabit.
Nova Vulgata9,14Peregrinus quoque et advena, si fuerint apud vos, facient Pascha Domino iuxta praecepta et iustificationes eius; praeceptum idem erit apud vos tam advenae quam indigenae».
Nova Vulgata 9,15Igitur die, qua erectum est habitaculum, operuit nubes habitaculum, tabernaculum testimonii; a vespere autem super habitaculum erat quasi species ignis usque mane.
Nova VulgataSic fiebat iugiter: per diem operiebat illud nubes, et per noctem quasi species ignis.
16Per diem - Adde cum Gr, Syr et Vg jômām; TM omittit
Nova Vulgata9,17Cumque ablata fuisset nubes, quae tabernaculum protegebat, tunc proficiscebantur filii Israel; et in loco, ubi stetisset nubes, ibi castrametabantur.
Nova Vulgata9,18Ad imperium Domini proficiscebantur et ad imperium illius castrametabantur. Cunctis diebus, quibus stabat nubes super habitaculum, manebant in eodem loco.
Nova Vulgata9,19Et si evenisset ut multo tempore maneret super illud, erant filii Israel in excubiis Domini et non proficiscebantur;
Nova Vulgata9,20si diebus paucis fuisset nubes super habitaculum, ad imperium Domini erigebant tentoria et ad imperium illius deponebant.
Nova Vulgata9,21Si fuisset nubes a vespere usque mane et statim diluculo habitaculum reliquisset, proficiscebantur; et si post diem et noctem recessisset, dissipabant tentoria.
Nova Vulgata9,22Si vero biduo aut uno mense vel longiore tempore fuisset super habitaculum, manebant filii Israel in eodem loco et non proficiscebantur. Statim autem ut recessisset, movebant castra.
Nova Vulgata 9,23Per verbum Domini figebant tentoria et per verbum illius proficiscebantur; erantque in excubiis Domini iuxta imperium eius per manum Moysi.