Nova Vulgata13 Loquente Ephraim, horror factus est; dux erat in Israel. Et deliquit in Baal et mortuus est.
1Dux – Lege nāśî’ (cfr. Syr et Targ); TM «levavit»
Nova Vulgata Et nunc addunt ad peccandum faciuntque sibi conflatile de argento suo, secundum intellegentiam suam simulacra; factura artificum totum est. «His — ipsi dicunt — immolate!». Homines vitulos osculantur.
2Immolate – Lege cum Gr et Vg zibeḥû; TM «immolantes»
Nova Vulgata 13,3Idcirco erunt quasi nubes matutina et sicut ros matutinus praeteriens, sicut palea turbine rapta ex area et sicut fumus de fumario.
Nova Vulgata 13,4«Ego autem Dominus, Deus tuus ex terra Aegypti; et Deum absque me nescies, et salvator non est praeter me.
Nova Vulgata Ego pavi te in deserto, in terra ardenti solitudinis.
5Pavi – Lege cum Gr et Syr re‛îtîkā; TM «cognovi te»
Nova Vulgata 13,6Iuxta pascua sua saturati sunt et saturati elevaverunt cor suum, propterea obliti sunt mei.
Nova Vulgata Et ego ero eis quasi leaena, sicut pardus iuxta viam insidiabor.
7Etego ero – Lege cum Gr et Vg we’ehjeh; TM «et fui»
Nova Vulgata 13,8Occurram eis quasi ursa, raptis catulis, et dirumpam claustrum cordis eorum: et consumam eos ibi quasi leo; bestia agri scindet eos.
Nova Vulgata Perdo te, Israel; quis est auxiliator tuus?
9Perdo te – Lege cum Syr šiḥattîkā; TM «perdidit te» Quis – Lege cum Gr et Syr mî; TM «quia in me»
Nova Vulgata Ubinam est rex tuus, ut salvet te in omnibus urbibus tuis, et iudices tui, de quibus dixisti: “Da mihi regem et principes”?
10Ubinam – Lege cum verss ’ajjeh; TM «ero»
Nova Vulgata 13,11Do tibi regem in furore meo et aufero in indignatione mea.
Nova Vulgata 13,12Colligata est iniquitas Ephraim, absconditum peccatum eius.
Nova Vulgata 13,13Dolores parturientis venient ei; erit filius non sapiens: suo enim tempore non stabit in ore vulvae.
Nova Vulgata De manu inferni liberabo eos, de morte redimam eos? Ubi pestilentiae tuae, o mors? Ubi pestis tua, inferne? Consolatio abscondita est ab oculis meis».
14Ubi – Lege cum Gr (cfr. Syr) ’ajjeh; TM «ero»
Nova Vulgata 13,15Dum ipse inter fratres fructificat, veniet ventus urens, ventus Domini de deserto ascendens, et siccabit venas eius et desolabit fontem eius. Ipse diripiet thesaurum, omne vas desiderabile.