Nova Vulgata9 9,1Noli laetari, Israel; noli exsultare sicut populi, quia fornicatus es a Deo tuo, dilexisti mercedem super omnes areas tritici.
Nova Vulgata 9,2Area et torcular non pascet eos, et vinum mentietur eis.
Nova Vulgata 9,3Non manebunt in terra Domini: revertetur Ephraim in Aegyptum, et in Assyria pollutum comedent.
Nova Vulgata 9,4Non libabunt Domino vinum, et non placebunt ei sacrificia eorum; quasi panis lugentium erunt eis: omnes, qui comedent eum, contaminabuntur, quia panis eorum erit tantummodo pro vita ipsorum; non intrabit in domum Domini.
Nova Vulgata 9,5Quid facietis in die sollemni, in die festivitatis Domini?
Nova Vulgata 9,6Ecce enim profecti sunt a vastitate; Aegyptus congregabit eos, Memphis sepeliet eos: desiderabile argentum eorum urtica hereditabit, spina in tabernaculis eorum.
Nova Vulgata 9,7Venerunt dies visitationis, venerunt dies retributionis: sciat Israel! “Stultus — clamet — est propheta; insanus vir spiritalis”. Secundum multitudinem iniquitatis tuae multae sunt inimicitiae tuae.
Nova Vulgata Speculatur Ephraim, populus Dei mei, prophetam; laqueus aucupis super omnes vias eius, inimicitiae in ipsa domo Dei eius.
8Populus – Lege ‛am; TM «cum»
Nova Vulgata 9,9Profunde peccaverunt sicut in diebus Gabaa; recordabitur iniquitatis eorum et visitabit peccata eorum.
Nova Vulgata 9,10Quasi uvas in deserto inveni Israel, quasi prima poma ficulneae in initio eius vidi patres vestros; ipsi autem intraverunt ad Baalphegor et se consecraverunt Confusioni et facti sunt abominabiles sicut id, quod dilexerunt.
Nova Vulgata 9,11Ephraim quasi avis avolabit gloria eorum, a partu et ab utero et a conceptu.
Nova Vulgata Quod si et enutrierint filios suos, absque liberis eos faciam, absque hominibus; sed et vae eis, cum recessero ab eis!
12Cum recessero – Lege cum Vg bešûrî; TM «cum contendero» (?)
Nova Vulgata Ephraim, ut vidi, in venationem posuit sibi filios suos, et Ephraim educit ad interfectorem filios suos.
13In venationem posuit sibi filios suos – Lege leṣajid (= Gr) šāt (cfr. Gr) lôbānāw; TM «angustiis (Tyro?) plantata in pascua» (textus obscurus)
Nova Vulgata 9,14“Da eis, Domine! Quid dabis eis? Da eis vulvam sine liberis et ubera arentia!”.
Nova Vulgata 9,15Omnes nequitiae eorum in Galgala, profecto ibi exosos habui eos. Propter malitiam operum eorum de domo mea eiciam eos. Non addam ut diligam eos; omnes principes eorum rebelles.
Nova Vulgata 9,16Percussus est Ephraim, radix eorum exsiccata est, fructum nequaquam facient; quod si et genuerint, interficiam amantissima uteri eorum».
Nova Vulgata 9,17Abiciet eos Deus meus, quia non audierunt eum; et erunt vagi in nationibus.
