Nova Vulgata30 30,1Verba Agur filii Iaces ex Massa. Oraculum hominis ad Itiel, ad Itiel et Ucal.
Nova Vulgata 30,2Quoniam stultissimus sum virorum, et sapientia hominum non est mecum;
Nova Vulgata 30,3et non didici sapientiam et scientiam sanctorum non novi.
Nova Vulgata 30,4Quis ascendit in caelum atque descendit? Quis continuit spiritum in manibus suis? Quis colligavit aquas quasi in vestimento? Quis statuit omnes terminos terrae? Quod nomen est eius, et quod nomen filii eius, si nosti?
Nova Vulgata 30,5Omnis sermo Dei probatus clipeus est sperantibus in eum.
Nova Vulgata 30,6Ne addas quidquam verbis illius, et arguaris inveniarisque mendax.
Nova Vulgata 30,7Duo rogavi te, ne deneges mihi, antequam moriar:
Nova Vulgata 30,8vanitatem et verba mendacia longe fac a me, mendicitatem et divitias ne dederis mihi, tribue tantum victum demensum mihi,
Nova Vulgata 30,9ne forte satiatus illiciar ad negandum et dicam: «Quis est Dominus?» aut egestate compulsus furer et periurem nomen Dei mei.
Nova Vulgata 30,10Ne calumnieris servum ad dominum suum, ne forte maledicat tibi, et puniaris.
Nova Vulgata 30,11Generatio, quae patri suo maledicit et quae matri suae non benedicit.
Nova Vulgata 30,12Generatio, quae sibi munda videtur et non est lota a sordibus suis.
Nova Vulgata 30,13Generatio, cuius oculi quam excelsi sunt, et palpebrae eius in alta surrectae!
Nova Vulgata 30,14Generatio, quae pro dentibus gladios habet, et cultri molares eius, ut comedat inopes de terra et pauperes ex hominibus.
Nova Vulgata 30,15Sanguisugae duae sunt filiae: «Affer, affer!». Tria sunt insaturabilia, et quattuor, quae numquam dicunt: «Sufficit!»:
Nova Vulgata 30,16infernus et venter sterilis, terra, quae non satiatur aqua, ignis, qui numquam dicit: «Sufficit!».
Nova Vulgata 30,17Oculum, qui subsannat patrem et qui despicit obsequium matris suae, effodiant eum corvi de torrente, et comedant eum filii aquilae.
Nova Vulgata 30,18Tria sunt nimis difficilia mihi, et quattuor penitus ignoro:
Nova Vulgata 30,19viam aquilae in caelo, viam colubri super petram, viam navis in medio mari et viam viri in adulescentula.
Nova Vulgata 30,20Talis est et via mulieris adulterae, quae comedit et tergens os suum dicit: «Non sum operata malum».
Nova Vulgata 30,21Per tria movetur terra, et quattuor non potest sustinere:
Nova Vulgata 30,22per servum, cum regnaverit, per stultum, cum saturatus fuerit cibo,
Nova Vulgata 30,23per odiosam mulierem, cum in matrimonio fuerit assumpta, et per ancillam, cum fuerit heres dominae suae.
Nova Vulgata 30,24Quattuor sunt minima terrae, et ipsa sunt sapientiora sapientibus:
Nova Vulgata 30,25formicae populus infirmus, quae praeparant in messe cibum sibi;
Nova Vulgata 30,26hyraces plebs invalida, qui collocant in petra cubile suum;
Nova Vulgata 30,27regem locusta non habet et egreditur universa per turmas suas;
Nova Vulgata 30,28stellio manibus nititur et moratur in aedibus regis.
Nova Vulgata 30,29Tria sunt, quae bene gradiuntur, et quattuor, quae incedunt feliciter:
Nova Vulgata 30,30leo fortissimus bestiarum ad nullius pavebit occursum,
Nova Vulgata 30,31gallus succinctus lumbos et aries et rex, qui secum habet exercitum.
Nova Vulgata 30,32Si stultum te praebuisti, postquam elevatus es in sublime, et si considerasti, ori impone manum.
Nova Vulgata 30,33Qui enim fortiter premit lac, exprimit butyrum, et, qui vehementer emungit nares, elicit sanguinem, et, qui provocat iras, producit discordias.