Nova Vulgata11 11,1Magistro chori. David. In Domino confido, quomodo dicitis animae meae: «Transmigra in montem sicut passer!
Nova Vulgata 11,2Quoniam ecce peccatores intenderunt arcum, paraverunt sagittas suas super nervum, ut sagittent in obscuro rectos corde.
Nova Vulgata 11,3Quando fundamenta evertuntur, iustus quid faciat?».
Nova Vulgata 11,4Dominus in templo sancto suo, Dominus, in caelo sedes eius. Oculi eius in pauperem respiciunt, palpebrae eius interrogant filios hominum.
Nova Vulgata 11,5Dominus interrogat iustum et impium; qui autem diligit iniquitatem, odit anima eius.
Nova Vulgata 11,6Pluet super peccatores carbones ignis et sulphur; et spiritus procellarum pars calicis eorum.
Nova Vulgata 11,7Quoniam iustus Dominus et iustitias dilexit, recti videbunt vultum eius.