Nova Vulgata126 126,1Canticum ascensionum. In convertendo Dominus captivitatem Sion, facti sumus quasi somniantes.
Nova Vulgata 126,2Tunc repletum est gaudio os nostrum, et lingua nostra exsultatione. Tunc dicebant inter gentes: «Magnificavit Dominus facere cum eis».
Nova Vulgata 126,3Magnificavit Dominus facere nobiscum; facti sumus laetantes.
Nova Vulgata 126,4Converte, Domine, captivitatem nostram, sicut torrentes in austro.
Nova Vulgata 126,5Qui seminant in lacrimis, in exsultatione metent.
Nova Vulgata 126,6Euntes ibant et flebant semen spargendum portantes; venientes autem venient in exsultatione portantes manipulos suos.