Nova Vulgata138 138,1David. Confitebor tibi, Domine, in toto corde meo, quoniam audisti verba oris mei. In conspectu angelorum psallam tibi,
Nova Vulgata 138,2adorabo ad templum sanctum tuum; et confitebor nomini tuo propter misericordiam tuam et veritatem tuam, quoniam magnificasti super omne nomen eloquium tuum.
Nova Vulgata 138,3In quacumque die invocavero te, exaudi me; multiplicabis in anima mea virtutem.
Nova Vulgata 138,4Confitebuntur tibi, Domine, omnes reges terrae, quia audierunt eloquia oris tui.
Nova Vulgata 138,5Et cantabunt vias Domini, quoniam magna est gloria Domini;
Nova Vulgata 138,6quoniam excelsus Dominus et humilem respicit, et superbum a longe cognoscit.
Nova Vulgata 138,7Si ambulavero in medio tribulationis, vivificabis me; et contra iram inimicorum meorum extendes manum tuam, et salvum me faciet dextera tua.
Nova Vulgata 138,8Dominus perficiet pro me; Domine, misericordia tua in saeculum: opera manuum tuarum ne despicias.