Nova Vulgata17 17,1Precatio. David. Exaudi, Domine, iustitiam meam, intende deprecationem meam. Auribus percipe orationem meam, non in labiis dolosis.
Nova Vulgata 17,2De vultu tuo iudicium meum prodeat; oculi tui videant aequitates.
Nova Vulgata 17,3Proba cor meum et visita nocte; igne me examina, et non invenies in me iniquitatem.
Nova Vulgata 17,4Non transgreditur os meum ad opera hominum, propter verba labiorum tuorum custodivi me a viis violenti.
Nova Vulgata 17,5Retine gressus meos in semitis tuis, ut non moveantur vestigia mea.
Nova Vulgata 17,6Ego ad te clamavi, quoniam exaudis me, Deus; inclina aurem tuam mihi et exaudi verba mea.
Nova Vulgata 17,7Mirifica misericordias tuas, qui salvos facis ab insurgentibus sperantes in dextera tua.
Nova Vulgata 17,8Custodi me ut pupillam oculi, sub umbra alarum tuarum protege me
Nova Vulgata 17,9a facie impiorum, qui me afflixerunt.
Inimici mei in furore circumdederunt me,
Nova Vulgata 17,10adipem suum concluserunt; os eorum locutum est superbiam.
Nova Vulgata 17,11Incedentes nunc circumdederunt me, oculos suos statuerunt prosternere in terram.
Nova Vulgata 17,12Aspectus eorum quasi leonis parati ad praedam et sicut catuli leonis recubantis in abditis.
Nova Vulgata 17,13Exsurge, Domine, praeveni eum, supplanta eum; eripe animam meam ab impio framea tua,
Nova Vulgata a mortuis manu tua, Domine, a mortuis, quorum defecit portio vitae. De reconditis tuis adimpleas ventrem eorum, saturentur filii et dimittant reliquias parvulis suis.
14Defecit – Lege ḥādal loco mēḥeled (de terra, mundo). Textus est corruptus
Nova Vulgata 17,15Ego autem in iustitia videbo faciem tuam, satiabor, cum evigilavero, conspectu tuo.