Nova Vulgata28 28,1David. Ad te, Domine, clamabo; Deus meus, ne sileas a me. Ne quando taceas a me, et assimilabor descendentibus in lacum.
Nova Vulgata 28,2Exaudi vocem deprecationis meae, dum clamo ad te, dum extollo manus meas ad templum sanctum tuum.
Nova Vulgata 28,3Ne simul trahas me cum peccatoribus et cum operantibus iniquitatem. Qui loquuntur pacem cum proximo suo, mala autem in cordibus eorum.
Nova Vulgata 28,4Da illis secundum opera eorum et secundum nequitiam adinventionum ipsorum. Secundum opus manuum eorum tribue illis, redde retributionem eorum ipsis.
Nova Vulgata 28,5Quoniam non intellexerunt opera Domini et opus manuum eius, destruet illos et non aedificabit eos.
Nova Vulgata 28,6Benedictus Dominus, quoniam exaudivit vocem deprecationis meae;
Nova Vulgata 28,7Dominus adiutor meus et protector meus, in ipso speravit cor meum, et adiutus sum, et exsultavit cor meum, et in cantico meo confitebor ei.
Nova Vulgata 28,8Dominus fortitudo plebi suae et refugium salvationum christi sui est.
Nova Vulgata 28,9Salvum fac populum tuum et benedic hereditati tuae et pasce eos et extolle illos usque in aeternum.