Nova Vulgata65 65,1Magistro chori. Psalmus. David. Canticum.
Nova Vulgata 65,2Te decet hymnus, Deus, in Sion; et tibi reddetur votum in Ierusalem.
Nova Vulgata 65,3Qui audis orationem, ad te omnis caro veniet propter iniquitatem.
Nova Vulgata 65,4Etsi praevaluerunt super nos impietates nostrae, tu propitiaberis eis.
Nova Vulgata 65,5Beatus, quem elegisti et assumpsisti; inhabitabit in atriis tuis. Replebimur bonis domus tuae, sanctitate templi tui.
Nova Vulgata 65,6Mirabiliter in aequitate exaudies nos, Deus salutis nostrae, spes omnium finium terrae et maris longinqui.
Nova Vulgata 65,7Firmans montes in virtute tua, accinctus potentia.
Nova Vulgata 65,8Compescens sonitum maris, sonitum fluctuum eius et tumultum populorum.
Nova Vulgata 65,9Et timebunt, qui habitant terminos terrae, a signis tuis; exitus orientis et occidentis delectabis.
Nova Vulgata 65,10Visitasti terram et inebriasti eam; multiplicasti locupletare eam. Flumen Dei repletum est aquis; parasti frumenta illorum, quoniam ita parasti eam.
Nova Vulgata 65,11Sulcos eius irrigans, glebas eius complanans; imbribus emollis eam, benedicis germini eius.
Nova Vulgata 65,12Coronasti annum benignitate tua, et vestigia tua stillabunt pinguedinem.
Nova Vulgata 65,13Stillabunt pascua deserti, et exsultatione colles accingentur.
Nova Vulgata 65,14Induta sunt ovibus prata, et valles abundabunt frumento; clamabunt, etenim hymnum dicent.