Nova Vulgata69 69,1Magistro chori. Secundum «Lilia...». David.
Nova Vulgata 69,2Salvum me fac, Deus, quoniam venerunt aquae usque ad guttur meum.
Nova Vulgata 69,3Infixus sum in limo profundi, et non est substantia; veni in profunda aquarum, et fluctus demersit me.
Nova Vulgata 69,4Laboravi clamans, raucae factae sunt fauces meae; defecerunt oculi mei, dum spero in Deum meum.
Nova Vulgata 69,5Multiplicati sunt super capillos capitis mei, qui oderunt me gratis. Confortati sunt, qui persecuti sunt me inimici mei mendaces; quae non rapui, tunc exsolvebam.
Nova Vulgata 69,6Deus, tu scis insipientiam meam, et delicta mea a te non sunt abscondita.
Nova Vulgata 69,7Non erubescant in me, qui exspectant te, Domine, Domine virtutum. Non confundantur super me, qui quaerunt te, Deus Israel.
Nova Vulgata 69,8Quoniam propter te sustinui opprobrium, operuit confusio faciem meam;
Nova Vulgata 69,9extraneus factus sum fratribus meis et peregrinus filiis matris meae.
Nova Vulgata 69,10Quoniam zelus domus tuae comedit me, et opprobria exprobrantium tibi ceciderunt super me.
Nova Vulgata 69,11Et flevi in ieiunio animam meam, et factum est in opprobrium mihi.
Nova Vulgata 69,12Et posui vestimentum meum cilicium, et factus sum illis in parabolam.
Nova Vulgata 69,13Adversum me loquebantur, qui sedebant in porta, et in me canebant, qui bibebant vinum.
Nova Vulgata 69,14Ego vero orationem meam ad te, Domine, in tempore beneplaciti, Deus. In multitudine misericordiae tuae exaudi me, in veritate salutis tuae.
Nova Vulgata 69,15Eripe me de luto, ut non infigar, eripiar ab iis, qui oderunt me, et de profundis aquarum.
Nova Vulgata 69,16Non me demergat fluctus aquarum, neque absorbeat me profundum, neque urgeat super me puteus os suum.
Nova Vulgata 69,17Exaudi me, Domine, quoniam benigna est misericordia tua; secundum multitudinem miserationum tuarum respice in me.
Nova Vulgata 69,18Et ne avertas faciem tuam a puero tuo; quoniam tribulor, velociter exaudi me.
Nova Vulgata 69,19Accede ad animam meam, vindica eam, propter inimicos meos redime me.
Nova Vulgata 69,20Tu scis opprobrium meum et confusionem meam et reverentiam meam.
In conspectu tuo sunt omnes, qui tribulant me;
Nova Vulgata 69,21opprobrium contrivit cor meum, et elangui. Et sustinui, qui simul contristaretur, et non fuit, et qui consolaretur, et non inveni.
Nova Vulgata 69,22Et dederunt in escam meam fel et in siti mea potaverunt me aceto.
Nova Vulgata 69,23Fiat mensa eorum coram ipsis in laqueum et in retributiones et in scandalum.
Nova Vulgata 69,24Obscurentur oculi eorum, ne videant, et lumbos eorum semper infirma.
Nova Vulgata 69,25Effunde super eos iram tuam, et furor irae tuae comprehendat eos.
Nova Vulgata 69,26Fiat commoratio eorum deserta, et in tabernaculis eorum non sit qui inhabitet.
Nova Vulgata 69,27Quoniam, quem tu percussisti, persecuti sunt, et super dolorem eius, quem vulnerasti, addiderunt.
Nova Vulgata 69,28Appone iniquitatem super iniquitatem eorum, et non veniant ad iustitiam tuam.
Nova Vulgata 69,29Deleantur de libro viventium et cum iustis non scribantur.
Nova Vulgata 69,30Ego autem sum pauper et dolens; salus tua, Deus, suscipit me.
Nova Vulgata 69,31Laudabo nomen Dei cum cantico et magnificabo eum in laude.
Nova Vulgata 69,32Et placebit Domino super taurum, super vitulum cornua producentem et ungulas.
Nova Vulgata 69,33Videant humiles et laetentur; quaerite Deum, et vivet cor vestrum,
Nova Vulgata 69,34quoniam exaudivit pauperes Dominus et vinctos suos non despexit.
Nova Vulgata 69,35Laudent illum caeli et terra, maria et omnia reptilia in eis.
Nova Vulgata 69,36Quoniam Deus salvam faciet Sion et aedificabit civitates Iudae; et inhabitabunt ibi et possidebunt eam.
Nova Vulgata 69,37Et semen servorum eius hereditabunt eam; et, qui diligunt nomen eius, habitabunt in ea.