Nova Vulgata92 92,1Psalmus. Canticum. Pro die Sabbati.
Nova Vulgata 92,2Bonum est confiteri Domino et psallere nomini tuo, Altissime,
Nova Vulgata 92,3annuntiare mane misericordiam tuam et veritatem tuam per noctem,
Nova Vulgata 92,4in decachordo et psalterio, cum cantico in cithara.
Nova Vulgata 92,5Quia delectasti me, Domine, in factura tua, et in operibus manuum tuarum exsultabo.
Nova Vulgata 92,6Quam magnificata sunt opera tua, Domine: nimis profundae factae sunt cogitationes tuae.
Nova Vulgata 92,8Cum germinaverint peccatores sicut fenum, et floruerint omnes, qui operantur iniquitatem, hoc tamen erit ad interitum in saeculum saeculi;
Nova Vulgata 92,9tu autem altissimus in aeternum, Domine.
Nova Vulgata 92,10Quoniam ecce inimici tui, Domine, quoniam ecce inimici tui peribunt, et dispergentur omnes, qui operantur iniquitatem.
Nova Vulgata 92,11Exaltabis sicut unicornis cornu meum, perfusus sum oleo uberi.
Nova Vulgata 92,12Et despiciet oculus meus inimicos meos, et in insurgentibus in me malignantibus audiet auris mea.
Nova Vulgata 92,13Iustus ut palma florebit, sicut cedrus Libani succrescet.
Nova Vulgata 92,14Plantati in domo Domini, in atriis Dei nostri florebunt.
Nova Vulgata 92,15Adhuc fructus dabunt in senecta, uberes et bene virentes erunt,
Nova Vulgata 92,16ut annuntient quoniam rectus Dominus, refugium meum, et non est iniquitas in eo.
Nova Vulgata 92,70Vir insipiens non cognoscet, et stultus non intelleget haec.