Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Capitoli
1
2
3
BibbiaEDU-logo

Nova Vulgata - Vetus Testamentum - Sophoniae - 3

Sophoniae

Nova Vulgata Torna al libro

NT greco

Nova Vulgata 3
3,1Vae, provocatrix et inquinata,
civitas violenta!
Nova Vulgata
3,2Non audivit vocem,
non suscepit disciplinam;
in Domino non est confisa,
ad Deum suum non appropiavit.
Nova Vulgata
Principes eius in medio eius
leones rugientes;
iudices eius lupi deserti,
ossa non relinquunt in mane.
3 Deserti‛ereb = ‛ărābā (cfr. Hab 1,8)
Nova Vulgata
3,4Prophetae eius vaniloqui,
viri fallaces;
sacerdotes eius polluerunt sanctum,
iniuste egerunt contra legem.
Nova Vulgata
3,5Dominus iustus in medio eius
non faciet iniquitatem;
mane, mane iudicium suum dabit,
sicut lucem, quae non deficit;
nescivit autem iniquus confusionem.
Nova Vulgata
3,6«Disperdidi gentes,
dissipati sunt anguli earum;
desertas feci vias eorum,
dum non est qui transeat;
desolatae sunt civitates eorum,
non remanente viro nec ullo habitatore.
Nova Vulgata
3,7Dixi: Nunc timebis me,
suscipies disciplinam!
Et non evanescent ab oculis eius
omnia, in quibus visitavi eam.
Verumtamen acceleraverunt corrumpere
omnes actiones suas.
Nova Vulgata
Quapropter exspecta me,
dicit Dominus,
in die qua surgam ut testis;
quia iudicium meum, ut congregem gentes
et colligam regna,
ut effundam super eas indignationem meam,
omnem iram furoris mei;
in igne enim zeli mei
devorabitur omnis terra.
8 Exspecta – Lege cum Gr et Vg ḥakkî; TM «exspectate»
Testis – Lege cum Gr et Syr (cfr. Targ) leēd; TM «in aeternum» (vel «in pradam»)
Nova Vulgata
3,9Quia tunc reddam populis
labium purum,
ut invocent omnes in nomine Domini
et serviant ei umero uno.
Nova Vulgata
3,10Ultra flumina Aethiopiae,
inde supplices mei,
filii dispersorum meorum
deferent munus mihi.
Nova Vulgata
3,11In die illa non confunderis
super cunctis actionibus tuis,
quibus praevaricata es in me;
quia tunc auferam de medio tui
magniloquos superbos tuos,
et non adicies exaltari amplius
in monte sancto meo.
Nova Vulgata
3,12Et derelinquam in medio tui
populum pauperem et egenum».
Et sperabunt in nomine Domini
reliquiae Israel.
Nova Vulgata
3,13Non facient iniquitatem
nec loquentur mendacium;
et non invenietur in ore eorum
lingua dolosa,
quoniam ipsi pascentur et accubabunt,
et non erit qui exterreat.
Nova Vulgata
3,14Lauda, filia Sion;
iubilate, Israel!
Laetare et exsulta in omni corde,
filia Ierusalem!
Nova Vulgata
Abstulit Dominus iudicium tuum,
avertit inimicos tuos;
rex Israel, Dominus, in medio tui,
non timebis malum ultra.
15 Inimicos tuos – Lege cum multis mss Hebraicis, Targ, Syr, Gr et Vg ’ōjebājik; TM «inimicum tuum»
Nova Vulgata
3,16In die illa dicetur Ierusalem:
«Noli timere, Sion;
ne dissolvantur manus tuae!
Nova Vulgata
Dominus Deus tuus in medio tui,
fortis ipse salvabit;
gaudebit super te in laetitia,
commotus in dilectione sua;
exsultabit super te in laude
17 Commotus – Lege jirḥaš; TM «silebit»
Nova Vulgata
sicut in die conventus».
«Auferam a te calamitatem,
ut non ultra habeas super ea opprobrium.
18 Sicut in die conventus – Lege cum Gr et Syr kejōm mōēd; TM «afflictos (procul) a conventu (festo)»
Calamitatem – Lege hōwāh; TM «sunt» (vel «fuerunt»)
Ut non ultra habeas – Lege cum Vg miśś’ēt (= a portando); TM «portatio»
Nova Vulgata
Ecce ego interficiam
omnes, qui afflixerunt te
in tempore illo;
et salvabo claudicantem
et eam, quae eiecta fuerat, congregabo;
et ponam eos in laudem et in nomen
in omni terra confusionis eorum,
19 Interficiam – Lege cum Targ et Vg ōśeh kālāh (= faciam consummationem); TM «faciam»
Nova Vulgata
3,20in tempore illo, quo adducam vos,
et in tempore, quo congregabo vos.
Dabo enim vos in nomen et in laudem
omnibus populis terrae,
cum convertero sortem vestram
coram oculis vestris»,
dicit Dominus.