AT greco - Antico Testamento - Libri Sapienziali - Odi - 14

Odi

14 ¹δόξα ἐν ὑψίστοις θεῷ ²καὶ ἐπὶ γῆς εἰρήνη ³ἐν ἀνθρώποις εὐδοκία ⁴αἰνοῦμέν σε ⁵εὐλογοῦμέν σε ⁶προσκυνοῦμέν σε ⁷δοξολογοῦμέν σε ⁸εὐχαριστοῦμέν σοι ⁹διὰ τὴν μεγάλην σου δόξαν ¹⁰κύριε βασιλεῦ ¹¹ἐπουράνιε ¹²θεὲ πατὴρ παντοκράτωρ ¹³κύριε υἱὲ μονογενὴ ¹⁴Ἰησοῦ Χριστὲ ¹⁵καὶ ἅγιον πνεῦμα ¹⁶κύριε ὁ θεός ¹⁷ὁ ἀμνὸς τοῦ θεοῦ ¹⁸ὁ υἱὸς τοῦ πατρός ¹⁹ὁ αἴρων τὰς ἁμαρτίας τοῦ κόσμου ²⁰ἐλέησον ἡμᾶς ²¹ὁ αἴρων τὰς ἁμαρτίας τοῦ κόσμου ²²πρόσδεξαι τὴν δέησιν ἡμῶν ²³ὁ καθήμενος ἐν δεξιᾷ τοῦ πατρός ²⁴ἐλέησον ἡμᾶς ²⁵ὅτι σὺ εἶ μόνος ἅγιος ²⁶σὺ εἶ μόνος κύριος ²⁷Ἰησοῦς Χριστός ²⁸εἰς δόξαν θεοῦ πατρός αμην ²⁹καθ’ ἑκάστην ἡμέραν εὐλογήσω σε ³⁰καὶ αἰνέσω τὸ ὄνομά σου εἰς τὸν αἰῶνα ³¹καὶ εἰς τὸν αἰῶνα τοῦ αἰῶνος ³²καταξίωσον κύριε καὶ τὴν ἡμέραν ταύτην ³³ἀναμαρτήτους φυλαχθῆναι ἡμᾶς ³⁴εὐλογητὸς εἶ κύριε ὁ θεὸς τῶν πατέρων ἡμῶν ³⁵καὶ αἰνετὸν καὶ δεδοξασμένον τὸ ὄνομά σου εἰς τοὺς αἰῶνας αμην ³⁶εὐλογητὸς εἶ κύριε δίδαξόν με τὰ δικαιώματά σου ³⁷εὐλογητὸς εἶ κύριε δίδαξόν με τὰ δικαιώματά σου ³⁸εὐλογητὸς εἶ κύριε δίδαξόν με τὰ δικαιώματά σου ³⁹κύριε καταφυγὴ ἐγενήθης ἡμῖν ἐν γενεᾷ καὶ γενεᾷ ⁴⁰ἐγὼ εἶπα κύριε ἐλέησόν με ⁴¹ἴασαι τὴν ψυχήν μου ὅτι ἥμαρτόν σοι ⁴²κύριε πρὸς σὲ κατέφυγα ⁴³δίδαξόν με τοῦ ποιεῖν τὸ θέλημά σου ὅτι σὺ εἶ ὁ θεός μου ⁴⁴ὅτι παρὰ σοὶ πηγὴ ζωῆς ⁴⁵ἐν τῷ φωτί σου ὀψόμεθα φῶς ⁴⁶παράτεινον τὸ ἔλεός σου τοῖς γινώσκουσίν σε