AT greco - Antico Testamento - Libri Storici - 2 Esdra (Esdra e Neemia) - 17

2 Esdra (Esdra e Neemia)

17 ¹καὶ ἐγένετο ἡνίκα ᾠκοδομήθη τὸ τεῖχος καὶ ἔστησα τὰς θύρας καὶ ἐπεσκέπησαν οἱ πυλωροὶ καὶ οἱ ᾄδοντες καὶ οἱ Λευῖται ²καὶ ἐνετειλάμην τῷ Ανανια ἀδελφῷ μου καὶ τῷ Ανανια ἄρχοντι τῆς βιρα ἐν Ιερουσαλημ ὅτι αὐτὸς ὡς ἀνὴρ ἀληθὴς καὶ φοβούμενος τὸν θεὸν παρὰ πολλούς ³καὶ εἶπα αὐτοῖς οὐκ ἀνοιγήσονται πύλαι Ιερουσαλημ ἕως ἅμα τῷ ἡλίῳ καὶ ἔτι αὐτῶν γρηγορούντων κλειέσθωσαν αἱ θύραι καὶ σφηνούσθωσαν καὶ στῆσον προφύλακας οἰκούντων ἐν Ιερουσαλημ ἀνὴρ ἐν προφυλακῇ αὐτοῦ καὶ ἀνὴρ ἀπέναντι οἰκίας αὐτοῦ ⁴καὶ ἡ πόλις πλατεῖα καὶ μεγάλη καὶ ὁ λαὸς ὀλίγος ἐν αὐτῇ καὶ οὐκ ἦσαν οἰκίαι ᾠκοδομημέναι ⁵καὶ ἔδωκεν ὁ θεὸς εἰς τὴν καρδίαν μου καὶ συνῆξα τοὺς ἐντίμους καὶ τοὺς ἄρχοντας καὶ τὸν λαὸν εἰς συνοδίας καὶ εὗρον βιβλίον τῆς συνοδίας οἳ ἀνέβησαν ἐν πρώτοις καὶ εὗρον γεγραμμένον ἐν αὐτῷ ⁶καὶ οὗτοι υἱοὶ τῆς χώρας οἱ ἀναβάντες ἀπὸ αἰχμαλωσίας τῆς ἀποικίας ἧς ἀπῴκισεν Ναβουχοδονοσορ βασιλεὺς Βαβυλῶνος καὶ ἐπέστρεψαν εἰς Ιερουσαλημ καὶ εἰς Ιουδα ἀνὴρ εἰς τὴν πόλιν αὐτοῦ ⁷μετὰ Ζοροβαβελ καὶ Ἰησοῦ καὶ Νεεμια Αζαρια Δαεμια Ναεμανι Μαρδοχαιος Βαλσαν Μασφαραθ Εσδρα Βαγοι Ναουμ Βαανα Μασφαρ ἄνδρες λαοῦ Ισραηλ ⁸υἱοὶ Φορος δισχίλιοι ἑκατὸν ἑβδομήκοντα δύο ⁹υἱοὶ Σαφατια τριακόσιοι ἑβδομήκοντα δύο ¹⁰υἱοὶ Ηρα ἑξακόσιοι πεντήκοντα δύο ¹¹υἱοὶ Φααθμωαβ τοῖς υἱοῖς Ἰησοῦ καὶ Ιωαβ δισχίλιοι ὀκτακόσιοι δέκα ὀκτώ ¹²υἱοὶ Αιλαμ χίλιοι διακόσιοι πεντήκοντα τέσσαρες ¹³υἱοὶ Ζαθουα ὀκτακόσιοι τεσσαράκοντα πέντε ¹⁴υἱοὶ Ζακχου ἑπτακόσιοι ἑξήκοντα ¹⁵υἱοὶ Βανουι ἑξακόσιοι τεσσαράκοντα ὀκτώ ¹⁶υἱοὶ Βηβι ἑξακόσιοι εἴκοσι ὀκτώ ¹⁷υἱοὶ Ασγαδ δισχίλιοι τριακόσιοι εἴκοσι δύο ¹⁸υἱοὶ Αδενικαμ ἑξακόσιοι ἑξήκοντα ἑπτά ¹⁹υἱοὶ Βαγοι δισχίλιοι ἑξήκοντα ἑπτά ²⁰υἱοὶ Ηδιν ἑξακόσιοι πεντήκοντα πέντε ²¹υἱοὶ Ατηρ τῷ Εζεκια ἐνενήκοντα ὀκτώ ²²υἱοὶ Ησαμ τριακόσιοι εἴκοσι ὀκτώ ²³υἱοὶ Βεσι τριακόσιοι εἴκοσι τέσσαρες ²⁴υἱοὶ Αριφ ἑκατὸν δώδεκα ²⁵υἱοὶ Γαβαων ἐνενήκοντα πέντε ²⁶υἱοὶ Βαιθλεεμ ἑκατὸν εἴκοσι τρεῖς υἱοὶ Νετωφα πεντήκοντα ἕξ ²⁷υἱοὶ Αναθωθ ἑκατὸν εἴκοσι ὀκτώ ²⁸ἄνδρες Βηθασμωθ τεσσαράκοντα δύο ²⁹ἄνδρες Καριαθιαριμ Καφιρα καὶ Βηρωθ ἑπτακόσιοι τεσσαράκοντα τρεῖς ³⁰ἄνδρες Αραμα καὶ Γαβαα ἑξακόσιοι εἴκοσι εἷς ³¹ἄνδρες Μαχεμας ἑκατὸν εἴκοσι δύο ³²ἄνδρες Βηθηλ καὶ Αια ἑκατὸν εἴκοσι τρεῖς ³³ἄνδρες Ναβι-ααρ πεντήκοντα δύο ³⁴ἄνδρες Ηλαμ-ααρ χίλιοι διακόσιοι πεντήκοντα τέσσαρες ³⁵υἱοὶ Ηραμ τριακόσιοι εἴκοσι ³⁶υἱοὶ Ιεριχω τριακόσιοι τεσσαράκοντα πέντε ³⁷υἱοὶ Λοδ Αδιδ καὶ Ωνω ἑπτακόσιοι εἴκοσι εἷς ³⁸υἱοὶ Σαναα τρισχίλιοι ἐννακόσιοι τριάκοντα ³⁹οἱ ἱερεῖς υἱοὶ Ιωδαε εἰς οἶκον Ἰησοῦ ἐννακόσιοι ἑβδομήκοντα τρεῖς ⁴⁰υἱοὶ Εμμηρ χίλιοι πεντήκοντα δύο ⁴¹υἱοὶ Φασσουρ χίλιοι διακόσιοι τεσσαράκοντα ἑπτά ⁴²υἱοὶ Ηραμ χίλιοι δέκα ἑπτά ⁴³οἱ Λευῖται υἱοὶ Ἰησοῦ τῷ Καδμιηλ τοῖς υἱοῖς τοῦ Ουδουια ἑβδομήκοντα τέσσαρες ⁴⁴οἱ ᾄδοντες υἱοὶ Ασαφ ἑκατὸν τεσσαράκοντα ὀκτώ ⁴⁵οἱ πυλωροί υἱοὶ Σαλουμ υἱοὶ Ατηρ υἱοὶ Τελμων υἱοὶ Ακουβ υἱοὶ Ατιτα υἱοὶ Σαβι ἑκατὸν τριάκοντα ὀκτώ ⁴⁶οἱ ναθινιμ υἱοὶ Σηα υἱοὶ Ασιφα υἱοὶ Ταβαωθ ⁴⁷υἱοὶ Κιρας υἱοὶ Σουια υἱοὶ Φαδων ⁴⁸υἱοὶ Λαβανα υἱοὶ Αγαβα υἱοὶ Σαλαμι ⁴⁹υἱοὶ Αναν υἱοὶ Γαδηλ υἱοὶ Γααρ ⁵⁰υἱοὶ Ρααια υἱοὶ Ρασων υἱοὶ Νεκωδα ⁵¹υἱοὶ Γηζαμ υἱοὶ Οζι υἱοὶ Φεση ⁵²υἱοὶ Βησι υἱοὶ Μεϊνωμ υἱοὶ Νεφωσασιμ ⁵³υἱοὶ Βακβουκ υἱοὶ Αχιφα υἱοὶ Αρουρ ⁵⁴υἱοὶ Βασαλωθ υἱοὶ Μεϊδα υἱοὶ Αδασαν ⁵⁵υἱοὶ Βαρκους υἱοὶ Σισαρα υἱοὶ Θημα ⁵⁶υἱοὶ Νισια υἱοὶ Ατιφα ⁵⁷υἱοὶ δούλων Σαλωμων υἱοὶ Σουτι υἱοὶ Σαφαραθ υἱοὶ Φεριδα ⁵⁸υἱοὶ Ιεαλη υἱοὶ Δορκων υἱοὶ Γαδηλ ⁵⁹υἱοὶ Σαφατια υἱοὶ Ετηλ υἱοὶ Φαχαραθ υἱοὶ Σαβαϊμ υἱοὶ Ημιμ ⁶⁰πάντες οἱ ναθινιμ καὶ υἱοὶ δούλων Σαλωμων τριακόσιοι ἐνενήκοντα δύο ⁶¹καὶ οὗτοι ἀνέβησαν ἀπὸ Θελμελεθ Αρησα Χαρουβ Ηρων Ιεμηρ καὶ οὐκ ἠδυνάσθησαν ἀπαγγεῖλαι οἴκους πατριῶν αὐτῶν καὶ σπέρμα αὐτῶν εἰ ἀπὸ Ισραηλ εἰσίν ⁶²υἱοὶ Δαλαια υἱοὶ Τωβια υἱοὶ Νεκωδα ἑξακόσιοι τεσσαράκοντα δύο ⁶³καὶ ἀπὸ τῶν ἱερέων υἱοὶ Εβια υἱοὶ Ακως υἱοὶ Βερζελλι ὅτι ἔλαβεν ἀπὸ θυγατέρων Βερζελλι τοῦ Γαλααδίτου γυναῖκας καὶ ἐκλήθη ἐπ’ ὀνόματι αὐτῶν ⁶⁴οὗτοι ἐζήτησαν γραφὴν αὐτῶν τῆς συνοδίας καὶ οὐχ εὑρέθη καὶ ἠγχιστεύθησαν ἀπὸ τῆς ἱερατείας ⁶⁵καὶ εἶπεν Αθερσαθα ἵνα μὴ φάγωσιν ἀπὸ τοῦ ἁγίου τῶν ἁγίων ἕως ἀναστῇ ὁ ἱερεὺς φωτίσων ⁶⁶καὶ ἐγένετο πᾶσα ἡ ἐκκλησία ὡς εἷς τέσσαρες μυριάδες δισχίλιοι τριακόσιοι ἑξήκοντα ⁶⁷πάρεξ δούλων αὐτῶν καὶ παιδισκῶν αὐτῶν οὗτοι ἑπτακισχίλιοι τριακόσιοι τριάκοντα ἑπτά καὶ ᾄδοντες καὶ ᾄδουσαι διακόσιοι τεσσαράκοντα πέντε ⁶⁸ἵπποι ἑπτακόσιοι τριάκοντα ἕξ ἡμίονοι διακόσιοι τεσσαράκοντα πέντε ⁶⁹κάμηλοι τετρακόσιοι τριάκοντα πέντε ὄνοι ἑξακισχίλιοι ἑπτακόσιοι εἴκοσι ⁷⁰καὶ ἀπὸ μέρους ἀρχηγῶν τῶν πατριῶν ἔδωκαν εἰς τὸ ἔργον τῷ Νεεμια εἰς θησαυρὸν χρυσοῦς χιλίους φιάλας πεντήκοντα καὶ χοθωνωθ τῶν ἱερέων τριάκοντα ⁷¹καὶ ἀπὸ ἀρχηγῶν τῶν πατριῶν ἔδωκαν εἰς θησαυρὸν τοῦ ἔργου χρυσίου δύο μυριάδας καὶ ἀργυρίου μνᾶς δισχιλίας διακοσίας ⁷²καὶ ἔδωκαν οἱ κατάλοιποι τοῦ λαοῦ χρυσίου δύο μυριάδας καὶ ἀργυρίου μνᾶς δισχιλίας διακοσίας καὶ χοθωνωθ τῶν ἱερέων ἑξήκοντα ἑπτά ⁷³καὶ ἐκάθισαν οἱ ἱερεῖς καὶ οἱ Λευῖται καὶ οἱ πυλωροὶ καὶ οἱ ᾄδοντες καὶ οἱ ἀπὸ τοῦ λαοῦ καὶ οἱ ναθινιμ καὶ πᾶς Ισραηλ ἐν πόλεσιν αὐτῶν καὶ ἔφθασεν ὁ μὴν ὁ ἕβδομος καὶ οἱ υἱοὶ Ισραηλ ἐν πόλεσιν αὐτῶν