Nova Vulgata5252,1Consurge, consurge, induere fortitudine tua, Sion; induere vestimentis gloriae tuae, Ierusalem, civitas sanctitatis, quia non adiciet ultra, ut pertranseat per te incircumcisus et immundus.
Nova Vulgata 52,2Excutere de pulvere, consurge, captiva Ierusalem; solve vincula colli tui, captiva filia Sion.
Nova Vulgata 52,3Quia haec dicit Dominus: «Gratis venumdati estis et sine argento redimemini».
Nova Vulgata52,4Quia haec dicit Dominus Deus: «In Aegyptum descendit populus meus in principio, ut colonus esset ibi; et Assur sine causa oppressit eum.
Nova Vulgata52,5Et nunc quid mihi est hic, dicit Dominus, quoniam ablatus est populus meus gratis? Dominatores eius ululant, dicit Dominus, et iugiter tota die nomen meum blasphematur.
Nova Vulgata52,6Propter hoc sciet populus meus nomen meum in die illa, quia ego ipse, qui loquebar: “Ecce adsum”».
Nova Vulgata 52,7Quam pulchri super montes pedes annuntiantis, praedicantis pacem, annuntiantis bonum, praedicantis salutem, dicentis Sion: «Regnavit Deus tuus!».
Nova Vulgata 52,8Vox speculatorum tuorum: levaverunt vocem, simul exsultabunt, quia oculo ad oculum videbunt, cum redierit Dominus ad Sion.
Nova Vulgata 52,9Gaudete et exsultate simul, deserta Ierusalem, quia consolatus est Dominus populum suum, redemit Ierusalem.
Nova Vulgata 52,10Nudavit Dominus brachium sanctum suum in oculis omnium gentium; et videbunt omnes fines terrae salutare Dei nostri.
Nova Vulgata 52,11Recedite, recedite, exite inde, pollutum nolite tangere; exite de medio eius, mundamini, qui fertis vasa Domini.
Nova Vulgata 52,12Quoniam non in festinatione exibitis nec in fuga properabitis; praecedet enim vos Dominus, et colliget vos Deus Israel.
Nova Vulgata 52,13Ecce prospere aget servus meus; exaltabitur et elevabitur et sublimis erit valde.
Nova Vulgata Sicut obstupuerunt super eum multi, sic deformis erat, quasi non esset hominis species eius, filiorum hominis aspectus eius,
14Super eum – Lege cum Syr, Gr et Targ ‛ālāw; TM «super te»
Nova Vulgata 52,15sic disperget gentes multas. Super ipsum continebunt reges os suum, quia, quae non sunt narrata eis, viderunt et, quae non audierunt, contemplati sunt.