Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
BibbiaEDU-logo

Nova Vulgata - Vetus Testamentum - Numeri - 27

Numeri

Nova Vulgata Torna al libro

NT greco

Nova Vulgata 27 27,1Accesserunt autem filiae Salphaad filii Hepher filii Galaad filii Machir filii Manasse, e cognationibus Manasse, qui fuit filius Ioseph, quarum sunt nomina: Maala et Noa et Hegla et Melcha et Thersa.
Nova Vulgata 27,2Steteruntque coram Moyse et Eleazaro sacerdote et principibus et cuncta congregatione ad ostium tabernaculi conventus atque dixerunt:
Nova Vulgata 27,3«Pater noster mortuus est in deserto, nec fuit in seditione, quae concitata est contra Dominum sub Core, sed in peccato suo mortuus est; hic non habuit mares filios.
Nova Vulgata 27,4Cur tollitur nomen illius de familia sua, quia non habuit filium? Date nobis possessionem inter fratres patris nostri».
Nova Vulgata
27,5Rettulitque Moyses causam earum ad iudicium Domini,
Nova Vulgata 27,6qui dixit ad eum: 
Nova Vulgata 27,7«Iustam rem postulant filiae Salphaad. Da eis possessionem inter fratres patris sui, et ei in hereditatem succedant.
Nova Vulgata 27,8Ad filios autem Israel loqueris haec: Homo cum mortuus fuerit absque filio, ad filiam eius transibit hereditas;
Nova Vulgata 27,9si filiam non habuerit, habebit successores fratres suos.
Nova Vulgata 27,10Quod si et fratres non fuerint, dabitis hereditatem fratribus patris eius.
Nova Vulgata 27,11Sin autem nec patruos habuerit, dabitur hereditas illi, qui ei proximus est e cognatione sua; possidebitque eam. Eritque hoc filiis Israel sanctum lege perpetua, sicut praecepit Dominus Moysi».
Nova Vulgata
27,12Dixit quoque Dominus ad Moysen: «Ascende in montem istum Abarim et contemplare inde terram, quam daturus sum filiis Israel.
Nova Vulgata 27,13Cumque videris eam, ibis et tu ad populum tuum, sicut ivit frater tuus Aaron,
Nova Vulgata 27,14quia offendistis me in deserto Sin in contradictione congregationis, nec sanctificare me voluistis coram ea super aquas». Hae sunt aquae Meribathcades deserti Sin.
Nova Vulgata
27,15Cui respondit Moyses:
Nova Vulgata 27,16«Provideat Dominus, Deus spirituum omnis carnis, hominem, qui sit super congregationem hanc
Nova Vulgata 27,17et possit exire et intrare ante eos et educere eos vel introducere, ne sit populus Domini sicut oves absque pastore».
Nova Vulgata 27,18Dixitque Dominus ad eum: «Tolle Iosue filium Nun, virum in quo est spiritus; et pone manum tuam super eum,
Nova Vulgata 27,19quem statues coram Eleazaro sacerdote et omni congregatione et dabis ei praecepta, cunctis videntibus,
Nova Vulgata 27,20et partem gloriae tuae, ut audiat eum omnis synagoga filiorum Israel.
Nova Vulgata 27,21Stabit coram Eleazaro sacerdote, qui pro eo iudicium Urim consulet Dominum. Ad verbum eius egredietur et ingredietur ipse et omnes filii Israel cum eo, cuncta congregatio».
Nova Vulgata
27,22Fecit Moyses, ut praeceperat Dominus. Cumque tulisset Iosue, statuit eum coram Eleazaro sacerdote et omni frequentia populi;
Nova Vulgata 27,23et, impositis capiti eius manibus, constituit eum, sicut mandaverat Dominus per manum Moysi.
Capitolo 26
Capitolo 28