Nova Vulgata22,1Canite tuba in Sion, ululate in monte sancto meo; conturbentur omnes habitatores terrae, quia venit dies Domini, quia prope est.
Nova Vulgata 2,2Dies tenebrarum et caliginis, dies nubis et turbinis; quasi aurora expansa super montes populus multus et fortis: similis ei non fuit a principio, et post eum non erit usque in annos generationis et generationis.
Nova Vulgata 2,3Ante faciem eius ignis vorat, et post eum exurit flamma. Quasi hortus Eden terra coram eo, et post eum solitudo deserti; neque est quod effugiat eum.
Nova Vulgata 2,4Quasi aspectus equorum aspectus eorum, et quasi equites sic current.
Nova Vulgata 2,5Sicut sonitus quadrigarum super capita montium exsiliunt, sicut sonitus flammae ignis devorantis stipulam, velut populus fortis praeparatus ad proelium.
Nova Vulgata 2,6A facie eius cruciabuntur populi, omnes vultus candentes.
Nova Vulgata 2,7Sicut fortes currunt, quasi viri bellatores ascendunt murum; unusquisque in viis suis graditur, et non declinant a semitis suis.
Nova Vulgata 2,8Unusquisque fratrem suum non coarctat, singuli in calle suo ambulant, per media tela prorumpunt sine intermissione.
Nova Vulgata 2,9Urbem ingrediuntur, in murum discurrunt, domos conscendunt, per fenestras intrant quasi fur.
Nova Vulgata 2,10A facie eius contremuit terra, moti sunt caeli, sol et luna obtenebrati sunt, et stellae retraxerunt splendorem suum.
Nova Vulgata 2,11Et Dominus dedit vocem suam ante faciem exercitus sui, quia multa sunt nimis castra eius, quia fortia et facientia verbum eius; magnus enim dies Domini et terribilis valde, et quis sustinebit eum?
Nova Vulgata 2,12«Nunc ergo, dicit Dominus, convertimini ad me in toto corde vestro, in ieiunio et in fletu et in planctu;
Nova Vulgata 2,13et scindite corda vestra et non vestimenta vestra, et convertimini ad Dominum Deum vestrum, quia benignus et misericors est, patiens et multae misericordiae et placabilis super malitia».
Nova Vulgata 2,14Quis scit, si convertatur et ignoscat et relinquat post se benedictionem, oblationem et libationem Domino Deo vestro?
Nova Vulgata 2,15Canite tuba in Sion, sanctificate ieiunium, vocate coetum; congregate populum, sanctificate conventum, coadunate senes,
Nova Vulgata 2,16congregate parvulos et sugentes ubera, egrediatur sponsus de cubili suo, et sponsa de thalamo suo.
Nova Vulgata 2,17Inter vestibulum et altare plorent sacerdotes ministri Domini et dicant: “Parce, Domine, populo tuo et ne des hereditatem tuam in opprobrium, ut dominentur eis nationes». Quare dicent in populis: «Ubi est Deus eorum»?
Nova Vulgata 2,18Zelatus est Dominus terram suam et pepercit populo suo.
Nova Vulgata 2,19Et respondit Dominus et dixit populo suo: «Ecce ego mittam vobis frumentum et vinum et oleum, et replebimini eis; et non dabo vos ultra opprobrium in gentibus.
Nova Vulgata 2,20Et eum, qui ab aquilone est, procul faciam a vobis et expellam eum in terram inviam et desertam: facies eius contra mare orientale, et extremum eius ad mare occidentale; et ascendet foetor eius, et ascendet putredo eius, quia magna operatus est.
Nova Vulgata 2,21Noli timere, terra; exsulta et laetare, quoniam magna Dominus operatus est.
Nova Vulgata 2,22Nolite timere, animalia regionis, quia germinaverunt pascua deserti, quia lignum attulit fructum suum, ficus et vinea dederunt divitias suas.
Nova Vulgata Et, filii Sion, exsultate et laetamini in Domino Deo vestro, quia dedit vobis pluviam iustitiae et descendere fecit ad vos imbrem matutinum et serotinum sicut prius.
23Sicut prius – Lege cum ms Graeco, Syr et Vg kāri’šon; TM «in principio»
Nova Vulgata 2,24Et implebuntur areae frumento, et redundabunt torcularia vino et oleo;
Nova Vulgata 2,25et reddam vobis annos, quos comedit locusta, bruchus et gryllus et eruca, exercitus meus magnus, quem misi in vos.
Nova Vulgata 2,26Et comedetis vescentes et saturabimini et laudabitis nomen Domini Dei vestri, qui mirabilia fecit vobiscum; et non confundetur populus meus in sempiternum.
Nova Vulgata 2,27Et scietis quia in medio Israel ego sum, et ego Dominus Deus vester, et non est amplius; et non confundetur populus meus in aeternum».