Nova Vulgata49Memoria Iosiae in compositionem odoris facta opere pigmentarii;
La: 18b
Nova Vulgata 49,2in omni ore quasi mel indulcabitur eius memoria et ut musica in convivio vini.
Nova Vulgata 49,3Ipse est directus divinitus in paenitentia gentis et tulit abominationes impietatis;
Nova Vulgata 49,4et gubernavit ad Dominum cor suum et in diebus peccatorum corroboravit pietatem.
Nova Vulgata 49,5Praeter David et Ezechiam et Iosiam, omnes peccatum commiserunt;
Nova Vulgata 49,6nam reliquerunt legem Altissimi reges Iudae et contempserunt timorem Dei;
Nova Vulgata 49,7dederunt enim regnum suum aliis
et gloriam suam alienae genti;
Nova Vulgata 49,8incenderunt electam sanctuarii civitatem et desertas fecerunt vias ipsius in manu Ieremiae.
Nova Vulgata 49,9Nam male tractaverunt illum, ipse autem a ventre matris consecratus est propheta evertere et eruere et perdere et iterum aedificare et plantare et renovare.
Nova Vulgata 49,10Ezechiel, qui vidit visionem gloriae, quam ostendit illi in curru cherubim.
Nova Vulgata 49,11Nam et commemoratus est inimicorum in imbre et benefacere illis, qui ostenderunt rectas vias.
Nova Vulgata 49,12Et duodecim prophetarum ossa pullulent de loco suo; nam corroboraverunt Iacob et redemerunt eos in fide virtutis
Nova Vulgata 49,13Quomodo amplificemus Zorobabel? Nam et ipse quasi signum in dextera manu;
Nova Vulgata 49,14sic et Iesua filius Iosedec. Qui in diebus suis aedificaverunt domum et exaltaverunt templum sanctum Domino paratum in gloriam sempiternam.
Nova Vulgata 49,15Et Nehemias: in memoria multi temporis, qui erexit nobis muros eversos et stare fecit portas et seras: qui erexit domos nostras.
Nova Vulgata 49,16Nemo creatus est in terra qualis Henoch; nam et ipse assumptus est a terra.
Nova Vulgata 49,17Neque ut Ioseph natus est homo, princeps fratrum, firmamentum gentis;
Nova Vulgata 49,18et ossa ipsius visitata sunt et post mortem prophetaverunt.
Nova Vulgata 49,19Seth et Sem apud homines gloriam adepti sunt et super omnem animam in origine Adam.