Nova Vulgata18 18,1Magistro chori. David, servi Domini, qui locutus est ad Dominum verba huius cantici, quando Dominus eum liberaverat e potestate omnium inimicorum suorum
Nova Vulgata 18,2et e manu Saul. Dixit igitur:
Diligam te, Domine, fortitudo mea.
Nova Vulgata 18,3Domine, firmamentum meum et refugium meum et liberator meus; Deus meus, adiutor meus, et sperabo in eum; protector meus et cornu salutis meae et susceptor meus.
Nova Vulgata 18,4Laudabilem invocabo Dominum, et ab inimicis meis salvus ero.
Nova Vulgata 18,5Circumdederunt me fluctus mortis, et torrentes Belial conturbaverunt me;
Nova Vulgata 18,6funes inferni circumdederunt me, praeoccupaverunt me laquei mortis.
Nova Vulgata 18,7In tribulatione mea invocavi Dominum et ad Deum meum clamavi; exaudivit de templo suo vocem meam, et clamor meus in conspectu eius introivit in aures eius.
Nova Vulgata 18,8Commota est et contremuit terra; fundamenta montium concussa sunt et commota sunt, quoniam iratus est.
Nova Vulgata 18,9Ascendit fumus de naribus eius, et ignis de ore eius devorans; carbones succensi processerunt ab eo.
Nova Vulgata 18,10Inclinavit caelos et descendit, et caligo sub pedibus eius.
Nova Vulgata 18,11Et ascendit super cherub et volavit, ferebatur super pennas ventorum.
Nova Vulgata 18,12Et posuit tenebras latibulum suum, in circuitu eius tabernaculum eius, tenebrosa aqua, nubes aeris.
Nova Vulgata 18,13Prae fulgore in conspectu eius nubes transierunt, grando et carbones ignis.
Nova Vulgata 18,14Et intonuit de caelo Dominus, et Altissimus dedit vocem suam: grando et carbones ignis.
Nova Vulgata 18,15Et misit sagittas suas et dissipavit eos, fulgura iecit et conturbavit eos.
Nova Vulgata 18,16Et apparuerunt fontes aquarum, et revelata sunt fundamenta orbis terrarum ab increpatione tua, Domine, ab inspiratione spiritus irae tuae.
Nova Vulgata 18,17Misit de summo et accepit me et assumpsit me de aquis multis;
Nova Vulgata 18,18eripuit me de inimicis meis fortissimis et ab his, qui oderunt me, quoniam confortati sunt super me.
Nova Vulgata 18,19Oppugnaverunt me in die afflictionis meae, et factus est Dominus fulcimentum meum;
Nova Vulgata 18,20et eduxit me in latitudinem, salvum me fecit, quoniam voluit me.
Nova Vulgata 18,21Et retribuet mihi Dominus secundum iustitiam meam et secundum puritatem manuum mearum reddet mihi,
Nova Vulgata 18,22quia custodivi vias Domini nec impie recessi a Deo meo.
Nova Vulgata 18,23Quoniam omnia iudicia eius in conspectu meo, et iustitias eius non reppuli a me;
Nova Vulgata 18,24et fui immaculatus cum eo et observavi me ab iniquitate.
Nova Vulgata 18,25Et retribuit mihi Dominus secundum iustitiam meam et secundum puritatem manuum mearum in conspectu oculorum eius.
Nova Vulgata 18,26Cum sancto sanctus eris et cum viro innocente innocens eris
Nova Vulgata 18,27et cum electo electus eris et cum perverso callidus eris.
Nova Vulgata 18,28Quoniam tu populum humilem salvum facies et oculos superborum humiliabis.
Nova Vulgata 18,29Quoniam tu accendis lucernam meam, Domine; Deus meus illuminat tenebras meas.
Nova Vulgata 18,30Quoniam in te aggrediar hostium turmas et in Deo meo transiliam murum.
Nova Vulgata 18,31Deus, impolluta via eius, eloquia Domini igne examinata; protector est omnium sperantium in se.
Nova Vulgata 18,32Quoniam quis Deus praeter Dominum? Aut quae munitio praeter Deum nostrum?
Nova Vulgata 18,33Deus, qui praecinxit me virtute et posuit immaculatam viam meam;
Nova Vulgata 18,34qui perfecit pedes meos tamquam cervorum et super excelsa statuit me;
Nova Vulgata 18,35qui docet manus meas ad proelium, et tendunt arcum aereum brachia mea.
Nova Vulgata 18,36Et dedisti mihi scutum salutis tuae, et dextera tua suscepit me, et exauditio tua magnificavit me.
Nova Vulgata 18,37Dilatasti gressus meos subtus me, et non sunt infirmata vestigia mea.
Nova Vulgata 18,38Persequebar inimicos meos et comprehendebam illos et non convertebar, donec deficerent.
Nova Vulgata 18,39Confringebam illos, nec poterant stare, cadebant subtus pedes meos.
Nova Vulgata 18,40Et praecinxisti me virtute ad bellum et supplantasti insurgentes in me subtus me.
Nova Vulgata 18,41Et inimicos meos dedisti mihi dorsum et odientes me disperdidisti.
Nova Vulgata 18,42Clamaverunt, nec erat qui salvos faceret, ad Dominum, nec exaudivit eos.
Nova Vulgata 18,43Et comminui eos ut pulverem ante faciem venti, ut lutum platearum contrivi eos.
Nova Vulgata 18,44Eripuisti me de contradictionibus populi, constituisti me in caput gentium. Populus, quem non cognovi, servivit mihi,
Nova Vulgata 18,45in auditu auris oboedivit mihi. Filii alieni blanditi sunt mihi,
Nova Vulgata 18,46filii alieni inveterati sunt, contremuerunt in abditis suis.
Nova Vulgata 18,47Vivit Dominus, et benedictus Adiutor meus, et exaltetur Deus salutis meae.
Nova Vulgata 18,48Deus, qui das vindictas mihi et subdis populos sub me, liberator meus de inimicis meis iracundis;
Nova Vulgata 18,49et ab insurgentibus in me exaltas me, a viro iniquo eripis me.
Nova Vulgata 18,50Propterea confitebor tibi in nationibus, Domine, et nomini tuo psalmum dicam,
Nova Vulgata 18,51magnificans salutes regis sui et faciens misericordiam christo suo David et semini eius usque in saeculum.
